Қытайлық инвестор Түркістан облысында гүл өсіру жобаларымен айналысуға ниетті

Өңірде экспортқа бағытталған гүл өндірісін дамытудың әлеуеті зор Қытайлық инвестор Shaanxi Silk Road City Holding Group Co., Ltd. Түркістан облысында гүл өсіру жобаларын дамытудың әлеуетін көреді. Бұл туралы компанияның бас директоры Юань Чжао Хуэй облыс әкімі Нұралхан Көшеровпен кездесуде айтты, деп хабарлайды Kapital.kz іскерлік ақпарат орталығы облыс әкімдігінің баспасөз қызметіне сілтеме жасап Кездесу барысында өңірде жылыжай кешендерін әртараптандыру, гүл өсіру және көгалдандыруды дамыту бойынша инвестициялық жобаларды жүзеге асыру мәселелері талқыланды. Тараптар жергілікті фермерлермен ынтымақтастық орнату, өңірді көгалдандыру қажеттіліктері үшін гүлдер мен сәндік ағаш көшеттерін өсіру, сондай-ақ заманауи жылыжай технологияларын енгізу мүмкіндіктерін қарастырды Облыс әкімі барлық ұсыныстар мұқият зерделенетінін, келешегі зор жобаларға жан-жақты қолдау көрсетілетінін атап өтті "Жақында Қытайға жұмыс сапарымен барып, бірқатар инвесторлармен келіссөздер жүргіздік. Бүгінде тараптарымыз арасындағы серіктестік нығайып келеді. Біз өңір экономикасына серпін беретін және жаңа жұмыс орындарын ашатын жобаларды қолдауға дайынбыз. Түркістан облысында жылыжай шаруашылығын дамытуға үлкен мүмкіндіктер бар. Жергілікті жерлерге гүл өсіруді ұйымдастыруды ұсынамын. Жергілікті жердегі егіс алқаптарын отырғызуға қажетті көмектер бар. Сынақ кезеңі сәтті аяқталса, жобаны одан әрі кеңейту үшін қолдау көрсетіледі», - деді Нұралхан Көшеров Инвесторлар Түркістан облысында гүл шаруашылығын дамытуға қызығушылық танытты. Қазіргі таңда серіктестік Сарыағаш өңірінде бұталы раушан гүлдерін тәжірибелік отырғызуды бастап кетті. Алғашқы нәтижелер сәтті болса, жобаны кеңейтіп, гүл отырғызу алаңын 20 гектарға жеткізу жоспарлануда Компания өкілдерінің айтуынша, Орталық Азия елдерінде де, Ресей нарығында да гүл өнімдеріне сұраныс жоғары. Осы орайда Түркістан облысының экспортқа бағытталған гүл өндірісін дамытудың әлеуеті зор Жиын қорытындысы бойынша серіктестік облыстың климаттық жағдайына бейімделген гүлдер мен сәндік ағаштардың бірнеше түрін сынақтан өткізуге кіріседі. Тест нәтижелері оң болған жағдайда жобаны одан әрі кеңейту және әкімдік тарапынан қолдау көрсету мәселелері қаралатын болады Түркістан облысының Хантағы бөктерінде капсулалық демалыс орындары салынып жатқаны осыған дейін хабарланған болатын Сондай-ақ облыста 2026 жылы жалпы құны 369,4 млрд теңгені құрайтын инвестициялық жобаларды іске қосуды жоспарлап отырғаны айтылды. Облысқа тартылған тікелей шетелдік инвестиция көлемі 1,4 миллиард долларға жетті Қалада ауқымды шараларды өткізуге арналған символдық алаң да болады Kapital.kz іскерлік ақпарат орталығының материалдарымен жұмыс істеу кезінде дереккөзге міндетті гиперсілтемемен мәтіннің тек 30% ғана пайдалануға рұқсат етіледі. Толық материалды пайдалану кезінде редактордың рұқсаты қажет