Қазақстанда 2026 жылы 20-ға жуық ірі халықаралық спорттық іс-шаралар өтеді

Халықаралық турнирлер Астана, Алматы және Түркістан қалаларында өтеді. Іс-шаралар олимпиадалық, паралимпиадалық және инновациялық спорт түрлерін қамтиды Жылдың айтулы оқиғаларының қатарында Астанадағы дзюдодан «Үлкен дулыға» турнирі, Алматыдағы атыс қаруынан ISSF әлем кубогы, Түркістандағы параканоэдан Азия чемпионаты, Астанадағы Боччиа бойынша әлем кубогы, Алматыдағы каратэден Азия чемпионаты және таэквондодан Әлемдік Гран-при финалы бар 2026 жылғы ең ірі халықаралық жобалардың бірі Астанада 29 шілде мен 9 тамыз аралығында өтетін «Болашақ ойындары» болмақ. Көпсалалы халықаралық турнир дәстүрлі спорттық пәндерді цифрлық технологиялармен үйлестіретін фигиталды спортты дамытуға бағытталған Сондай-ақ, елде жыл бойына велоспорттан халықаралық жарыстар, соның ішінде Silk Way сериясы мен Astana Open сериясы, жеңіл атлетикадан Ғұсман Қосанов мемориалы, джиу-джитсудан Азия чемпионаты, үстел теннисінен Қазақстан Президентінің ашық кубогы, Денис Теннің мемориалына арналған Челлендж сериясы және мәнерлеп сырғанаудан басқа да жарыстар өтеді Сонымен қатар, Астанада суда жүзуден әлем кубогының кезеңі, голболдан жастар арасындағы әлем чемпионаты және бірнеше халықаралық пара-спорттық турнирлер өтеді Халықаралық спорттық іс-шараларды өткізу елдің спорттық беделін нығайтып қана қоймай, спорттық туризмді дамытады, инвестиция тартады, инфрақұрылымды жақсартады және Қазақстанның әлемдік спорт сахнасындағы беделін арттырады 2027 жыл отандық спорт үшін де айтулы жыл болмақ. Келесі жылы Қазақстанда жеті әлем чемпионаты, екі Азия чемпионаты және 19 жасқа дейінгі футзалдан УЕФА Еуропа чемпионаты өтеді Бұған дейін ҚазАқпарат хабарлағандай, Алматыда ITF J100 халықаралық турнирі өтуде