Қазақстан мен Испания стратегиялық әріптестікті тереңдетуге ұмтылуда

Қазақстандық делегацияны Сыртқы істер министрінің орынбасары Арман Исетов, испандық делегацияны Испания Корольдігінің Сыртқы істер, Еуропалық Одақ және ынтымақтастық министрлігінің Сыртқы және жаһандық істер жөніндегі Мемлекеттік хатшысы Диего Мартинес басқарды Консультациялар барысында тараптар саяси, сауда-экономикалық, инвестициялық, мәдени-гуманитарлық және білім беру салаларындағы Қазақстан-Испания стратегиялық серіктестігіне қатысты мәселелердің кең ауқымын талқылады. Тараптар ағымдағы өңірлік және халықаралық оқиғалар, сондай-ақ халықаралық ұйымдар аясындағы ынтымақтастық мәселелері бойынша пікір алмасты, деп хабарлайды ҚР СІМ Сауда-инвестициялық ынтымақтастықты одан әрі нығайтуға ерекше назар аударылды. Испания Қазақстанның ЕО-дағы негізгі экономикалық серіктестерінің бірі екені атап өтілді. Бұған 2025 жылы 1,93 миллиард АҚШ долларына жеткен тұрақты екіжақты сауда көрсеткіштері дәлел. Тараптар көлік-логистика, жаңартылатын энергия көздері, агроөнеркәсіптік кешен, цифрландыру, туризм, білім беру салаларындағы ынтымақтастықты одан әрі кеңейтуге мүдделілік танытты Исетов Қазақстан Испанияны Еуропадағы өзінің негізгі серіктестерінің бірі ретінде қарастыратынын және өзара құрмет, сенім және прагматикалық ынтымақтастық қағидаттарына негізделген стратегиялық серіктестікті одан әрі тереңдетуге мүдделі екенін атап өтті Өз кезегінде Диего Мартинес Испанияның Қазақстанмен көпқырлы ынтымақтастықты кеңейтуге дайын екенін қуаттап, экономикалық және гуманитарлық салаларда бірлескен жобаларды жүзеге асырудың айтарлықтай әлеуетін атап өтті Консультациялардың қорытындысы бойынша тараптар екіжақты ынтымақтастықты одан әрі нығайтуға және белсенді саяси диалогты қолдауға өзара бейілділігін растады Бұдан бұрын хабарланғандай, Испанияның сыртқы және жаһандық істер жөніндегі мемлекеттік хатшысы Диего Мартинес Белио екі елдің сыртқы істер министрліктері арасындағы саяси консультацияларға және форумға қатысу үшін Астанаға келеді