Қазақстан мен Қырғызстан стратегиялық серіктестік пен одақтастық қатынастарды дамытуға бейілділігін растады

Қасым-Жомарт Тоқаев мәртебелі мейманды қарсы ала отырып, оның Қазақстанға жасаған алғашқы ресми сапарының екіжақты қарым-қатынастарды нығайтудағы ерекше маңыздылығын атап өтті Мемлекет басшысы Қырғызстан парламенті төрағасының Астанаға сапары екіжақты ынтымақтастыққа тың серпін беретініне сенім білдірді «Елдеріміздің арасында қайшылықтар мен келіспеушіліктер жоқ, біз бауырлас халықтар ретінде тату көршілік қарым-қатынасымызды одан әрі нығайта береміз», - деді Қазақстан Президенті "Қырғыз Республикасының экономикасы қарқынды дамып келеді. Біз бұл оң үрдісті қолдаймыз. Қырғыз Республикасының БҰҰ Қауіпсіздік Кеңесінің тұрақты емес мүшесі болып сайлануы Қырғызстанның өзі үшін де, бүкіл Орталық Азия үшін де шын мәнінде тарихи оқиға. Осы айтулы оқиғаға орай мен президент Садыр Нұрғожоұлы Жапаровқа өз құттықтауымды жолдадым", - деді Өз кезегінде Марлен Маматалиев Қасым-Жомарт Тоқаевқа кездесуі үшін алғыс айтып, Қырғызстан Президенті Садыр Жапаровтың сәлемін жеткізді "Қырғыз тарапы Сіздің басшылығыңызбен жүзеге асырылып жатқан, әділетті және прогрессивті Қазақстанды құрудың берік іргетасын қалаған ауқымды конституциялық реформаларды қолдайтынына сендіргім келеді. Сізге және бауырлас Қазақстан халқына шын жүректен бейбітшілік, гүлдену және жоспарланған реформаларды жүзеге асыруда табыстар тілеймін", - деді Маматалиев Тараптар парламентаралық байланыстарды дамыту және жоғары деңгейде қол жеткізілген екіжақты келісімдерді тиімді заңнамалық қамтамасыз ету мәселелерін талқылады Тараптар сондай-ақ екі елде жүргізіліп жатқан жүйелі әлеуметтік-экономикалық қайта құрулар туралы пікір алмасып, Қазақстан мен Қырғызстан арасындағы стратегиялық әріптестік пен одақтастық қатынастарды жан-жақты дамытуға бейілділігін растады Бұдан бұрын хабарланғандай, Қазақстан Президенті Қасым-Жомарт Тоқаев Садыр Жапаровты және бауырлас Қырғызстан халқын еліміздің БҰҰ Қауіпсіздік Кеңесінің уақытша тұрақты емес мүшесі болып сайлануымен құттықтады