Мүмкіндігі шектеулі қазақстандықтар цифрлық теңгемен көмек ала бастайды

Қазақстан Үкіметі әлеуметтік салада цифрлық теңгені қолдану бойынша пилоттық жобаны іске қосады. Жаңа технология мүгедектерді техникалық оңалту құралдарымен (ТҚҚ) қамтамасыз ету кезінде сынақтан өтеді. Бұл туралы вице-премьер Аида Балаева депутаттық сауалға берген жауабында мәлімдеді Бірінші кезеңде цифрлық құрал тар сегментте – мұқтаждарды ортопедиялық аяқ киіммен қамтамасыз ету үшін қолданылады. Әлеуметтік салаға цифрлық валютаны енгізудің негізгі мақсаты – тікелей мақсатты қаржыландыруға көшу Жаңа механизм ақшаны мақсатсыз пайдалану немесе жалған транзакциялар тәуекелдерін толығымен жоя отырып, бюджет қаражатын белгілі бір жәрдемақы алушыға тағайындауға мүмкіндік береді: «Жүзеге асырылып жатқан пилоттық жоба цифрлық теңгені пайдалана отырып мақсатты қаржыландыру тетігін тестілеуден өткізуді көздейді, бұл бюджет қаражатының нақты қолдау шарасының алушысына тағайындалуын және тек қана мақсатына жұмсалуын қамтамасыз етеді. Жобаны іске асыру «ақша көрсетілетін қызметті алушының артынан жүреді» қағидатын одан әрі дамыту үшін технологиялық негіз жасайды», - деп түсіндірді Балаева өз жауабында Бүгінгі таңда тиісті министрліктер ҚР Ұлттық банкімен бірлесіп, қадамдық жол картасын бекітіп, келісіп қойған. Бірлескен бұйрық жобасы, төлемдерді жүзеге асыру алгоритмі, сондай-ақ цифрлық теңгені пайдалана отырып сатып алуға рұқсат етілген өнім санаттарының тізілімі ресми бекіту сатысында. Сонымен бірге, АТ мамандары транзакцияларды автоматты түрде басқару үшін смарт келісімшарттардың параметрлерін конфигурациялайды Бекітілген кестеге сәйкес, 2026 жылғы қыркүйектің соңына дейін мемлекеттік органдар өздерінің ақпараттық жүйелерін Ұлттық Банк платформасымен техникалық интеграциялауды толық аяқтауы, өзара іс-қимылдың негізгі сценарийлерін орнатуы және тетіктердің алғашқы жабық сынақтарын өткізуі тиіс Пилоттық жобаның негізгі кезеңдері бүкіл қыс бойы жалғасады, ал әлеуметтік салада цифрлық теңгені пайдаланудың нәтижелері мен тиімділігін қорытынды бағалау 2027 жылдың бірінші тоқсанына жоспарланған