Италияда қазақстандық студент қайтыс болды

21 жастағы Қазақстан азаматының мәйіті Италияның Вибо-Валентиа провинциясындағы Бриатико қаласының жағалауынан табылды, деп хабарлайды Orda.kz Жергілікті БАҚ-тың хабарлауынша, марқұм 9 маусым күні таңертең жағалаудағы жартастардың арасынан табылған. Оның шашы ұзын болғандықтан құтқарушылар бастапқыда оны әйел адам деп түсінген. Итальяндық полицияның пайымдауынша, өлім мәйіт суда байқалғанға дейін шамамен 15 сағат бұрын болған Денеде оқ немесе пышақ жарақаттары жоқ, тек тасқа соғу жарақаттары бар, деп жазады басылым. Полицейлер жігіт суға батып кеткен деп болжайды. Жәбірленушінің киімінің қалтасында смартфон болған, ал төтенше жағдайлар қызметкерлері оның заттары салынған сөмкесін жақын маңдағы тастардан тауып алған Qumash.kz марқұмның досына сілтеме жасап хабарлағандай, жігіттің есімі Нұрдәулет. Оралдағы НЗМ-ді бітіріп, Касино қаласындағы Юникас университетінде үшінші курста оқыды. Марқұмның туыстары мұны оқыс оқиға деп есептейді Студенттің өлімі туралы ақпаратты редакциямызға Қазақстанның Сыртқы істер министрлігі растады. Елшілік итальяндық әріптестерімен жұмыс істеп, отбасына көмек көрсетуде, делінген хабарламада Бұған дейін ҚазҰПУ студентінің университеттің сегізінші қабатынан құлап қайтыс болғаны туралы жазған болатынбыз