Қазақстандық қала бірегей мәртебеге ие болды

Қазақстан Республикасының басшысы Қасым-Жомарт Тоқаев «Алатау қаласының ерекше құқықтық режимі туралы» Қазақстан Республикасының конституциялық заңына қол қойды деп хабарлайды NUR.KZ Президент баспасөз қызметінің хабарлауынша, конституциялық заңның негізгі мақсаты – Алатау қаласының жедел әрі тұрақты дамуы үшін жағдай жасау Қаланың бірегей құқықтық мәртебесі инновациялар, инвестиция және экономикалық өсу үшін қолайлы орта құруға бағытталған тәуелсіз экожүйені қалыптастыруға принципті жаңа көзқарасты білдіреді «Конституциялық заң Алатау қаласын мемлекеттік басқарудың жаңа моделін енгізді, кәсіпкерлікті, кеденді, цифрлық активтерді, ойын бизнесін, әлеуметтік саланы, қаржы нарығын, сәулет және қала құрылысын, экология мен қоршаған ортаны қорғауды, мәдениетті, спортты және басқаларды реттеудің негізгі тәсілдерін белгіледі», - делінген Ақорданың хабарламасында Сонымен қатар, «Алатау тұрғынының» құқықтық мәртебесі белгіленді, оны қала әкімдігі жеке және заңды тұлғаларға бірқатар санаттар бойынша бекітеді, оған арнайы режимді қолданудың рұқсат етілген көлемі және тиісті құқықтар, міндеттер мен талаптар тәуелді болады Қаланың ұзақ мерзімді инвестициялық және технологиялық дамуы стратегиялық құжаттар – ұзақ мерзімді даму жоспары, бас жоспар және Алатау қаласын дамыту стратегиясы негізінде қамтамасыз етілетіні атап өтілді «Алатау қаласының қауіпсіздігін, тиімді жұмыс істеуін және «ақылды қала» ретінде дамуын қамтамасыз ету үшін инфрақұрылым нысандары мен қоғамдық қауіпсіздік жүйелері туралы барлық деректер қалалық кеңістікті басқарудың бірыңғай қалалық цифрлық платформасына біріктіріледі», - деп толықтырды Ақорда Конституциялық заң инвестициялық ахуалды және инвесторлар үшін кепілдіктерді, фискалдық саясатты, қала құрылысын және жер қатынастарын реттейді Еске салайық, 2025 жылы Мемлекет басшысы Қасым-Жомарт Тоқаев Қазақстан халқына жыл сайынғы жолдауында сөйлеген сөзінде Алатау қаласына ерекше мәртебе берілетінін айтқан болатын