Қазақстандық авиация мамандары Нью-Йорк әуежайында біліктіліктерін арттырды

Оқыту Нью-Йорктегі Джон Кеннеди халықаралық әуежайында Экспорттық бақылау және шекара қауіпсіздігі бағдарламасы аясында өтті IACIT бағдарламасын АҚШ елшілігінің Экспортты бақылау және шекаралық қауіпсіздік (EXBS) бағдарламасының қолдауымен АҚШ-тың Кеден және шекараны қорғау (CBP) терроризмге қарсы және жол қозғалысын бақылау тобы (A-TCET) ұйымдастырады Курс барысында тыңдаушылар әуе жүктерін тасымалдау кезіндегі тәуекелдерді талдаудың заманауи әдістерін, әуе кемелері мен жүктерді тексеруді ұйымдастыруды, техникалық бақылау құралдарын пайдалануды, сондай-ақ кинологиялық бөлімшелердің жұмысын және ведомствоаралық өзара әрекеттесу механизмдерін оқыды — Авиациялық қауіпсіздік пен кедендік бақылау рәсімдерін біріктіру, сондай-ақ халықаралық жүк тасымалдау қауіпсіздігін қамтамасыз етуде тәуекелге негізделген тәсілді қолдану саласында да егжей-тегжейлі тәжірибе алмасу болды. Бағдарламаға қатысу Қазақстан мен АҚШ арасында тікелей әуе қатынасын ашуға дайындық, сондай-ақ авиациялық қауіпсіздік саласындағы америкалық серіктестермен ынтымақтастықты дамыту аясында маңызды. Алынған тәжірибе авиациялық қауіпсіздік шараларын одан әрі жетілдіру және отандық авиация ұйымдарының қызметіне озық халықаралық тәжірибені енгізу үшін пайдаланылатын болады Естеріңізге сала кетейік, Астанада Қазақстан мен АҚШ арасындағы кеңейтілген стратегиялық серіктестік талқыланды. Қазақстан американдық компанияларды сирек металдар кен орындарын игеруге де шақырды