Қазақстан алғаш рет Еуропа Кеңесі Комитетінің №108 конвенциясында бақылаушы мәртебесін алды

Бұл шешім Страсбургте Қазақстан Республикасының Жасанды интеллект және цифрлық даму вице-министрі Досжан Мұсалиев қатысқан Комитеттің 50-ші жалпы отырысының қорытындысы бойынша қабылданды. Айта кетейік, бұл платформа цифрландыру контекстінде жеке деректерді және құпиялылықты қорғауға көзқарастарды қалыптастыратын негізгі халықаралық институт болып табылады — Қазақстан үшін бақылаушы мәртебесін алу маңызды қадам. Бұл халықаралық серіктестермен тәжірибе алмасуға және озық әлемдік тәжірибе негізінде жеке деректерді қорғаудың ұлттық жүйесін жетілдіруге мүмкіндік береді. Байқаушы мәртебесін алу өте маңызды оқиға екенін атап өткім келеді. Өйткені биыл Қазақстанның жаңа Конституциясында адамның жеке деректерін, оның ішінде цифрлық салада да қорғалуына құқығы бар екендігі тікелей көрсетілген жаңа норма қабылданды. Сондықтан бұл жұмыстың заңды жалғасы», - деді Досжан Мұсалиев ҚазАқпарат тілшісіне Ол сондай-ақ Еуропа Кеңесінің сессиясы аясында №108 Конвенция комитетінің төрағасы Беатрис де Анкоренамен және Еуропа Кеңесінің Бас хатшысы Ален Берсетпен кездесулер өткізгенін атап өтті Өз кезегінде Еуропа Кеңесінің Бас хатшысы әлеуметтік желілерде жасанды интеллект біздің қоғамымызды өзгертіп жатқанын атап өтті — Вице-министр Досжан Мұсалиевпен Қазақстанның цифрлық амбициялары және Еуропа Кеңесінің жасанды интеллект пен деректерді қорғау жөніндегі конвенцияларының шекара арқылы сенім мен ортақ стандарттарды құрудағы рөлі туралы маңызды әңгіме өтті, деп жазды А.Берсе № 108 Конвенция (ресми түрде жеке деректерді автоматты түрде өңдеуге қатысты жеке тұлғаларды қорғау туралы конвенция) Еуропа Кеңесімен 1981 жылы 28 қаңтарда қабылданған жеке өмірге қол сұғылмаушылық пен деректерді қорғау саласындағы іргелі халықаралық құжат болып табылады Бұл мемлекеттік және жеке сектордағы жеке деректерді қорғауды реттейтін бірінші және жалғыз заңды түрде міндетті халықаралық шарт Бұған дейін Страсбург Қазақстанның демократиялық реформаларына оң баға берген болатын