Қазақстан Қытайдың ең ірі провинцияларының бірімен экономикалық байланысты нығайтып келеді

Келіссөздер барысында тараптар екі ел басшыларының Қазақстан мен Қытай арасындағы мәңгілік жан-жақты стратегиялық әріптестікті тереңдету туралы келісімдерін іске асыруға бағытталған өңіраралық және инвестициялық ынтымақтастық мәселелерін талқылады Нұрлыбек Нәлібаев Қытай Қазақстанның негізгі сауда-экономикалық және инвестициялық серіктестерінің бірі екенін атап өтті. Экономикалық даму көрсеткіштері бойынша Қытайда екінші орында тұрған, жалпы өңірлік өнімі 2 триллион доллардан асатын Цзянсу провинциясының экономикалық және өнеркәсіптік әлеуетін жоғары бағалады — Қазақстан үшін Цзянсумен сауда-экономикалық қарым-қатынастарды дамыту ерекше маңызға ие. «Біз бұл провинцияны өнеркәсіптік кооперация, өндірісті орналастыру, инновациялар, көліктік логистика және цифрлық экономика сияқты салаларда әлеуеті зор серіктес ретінде қарастырамыз», - деді Премьер-Министрдің бірінші орынбасары Синь Чансин Цзянсу провинциясының іскер топтары мен аймақтары арасындағы тікелей байланыстарды жандандыруға дайын екенін білдірді. Сондай-ақ ол Қытай-Еуропа бағыты бойынша халықаралық жүктерді үздіксіз тасымалдауды қамтамасыз етуде Қазақстанның логистикалық әлеуеті маңызды рөл атқаратынын атап өтті Сонымен қатар, Қытай тарапы 2026 жылғы 11 маусымда Астанада ашылған Орталық Азия-Цзянсу орталығы екіжақты сауда-экономикалық ынтымақтастықты нығайтуға оң серпін беретін технологиялар мен инвестициялар алмасу алаңына айналатынына сенім білдірді