Қазақстан Швецияға шикізаттық емес өнімдер экспортын арттыруды көздеп отыр

Келіссөздер барысында тараптар сауда-экономикалық ынтымақтастықтың өзекті мәселелерін, өзара тауар айналымын арттыру, инвестиция тарту және екі елдің іскер топтары арасындағы өзара іс-қимылды кеңейту перспективаларын талқылады Сауданы жеңілдету мәселелеріне, оның ішінде өнімдердің Қазақстан мен Швеция нарығына қолжетімділігін жеңілдету, техникалық кедергілерді жою, логистикалық және кедендік рәсімдерді жетілдіру, сондай-ақ экспорттық-импорттық операцияларды дамыту үшін қолайлы жағдайлар жасау мәселелеріне ерекше назар аударылды Қазақстандық тарап Швеция мен Еуропалық Одақ нарығына отандық шикізаттық емес өнімдерді жеткізуді кеңейтуге мүдделі екенін растады. Осыған байланысты экспорттаушыларды қолдау және тікелей іскерлік байланыстарды дамыту мақсатында QazTrade, Швеция Ұлттық сауда кеңесі және Business Sweden арасындағы ынтымақтастықты тереңдету мүмкіндіктері талқыланды Кездесуге қатысушылар өндірістік кооперация мәселелеріне ерекше назар аударды. Тараптар Hyundai Trans Almaty мен Volvo Group арасындағы ынтымақтастық туралы меморандумға қол қоюды құптады. Жобаны іске асыру отандық машина жасауды дамытуға, жаңа өндірістік қуаттарды құруға, инвестиция тартуға және Қазақстанның экспорттық әлеуетін нығайтуға ықпал етеді деп күтілуде Келіссөздер барысында қазақстандық нарықта швед бизнесінің қатысуын кеңейту перспективалары да талқыланды. Қазақстан жетекші швед компанияларымен ынтымақтастықты дамытуға, оның ішінде елде IKEA дүкендерін ашу мүмкіндігіне қызығушылық танытты. Тараптар бірлескен жобаларды ілгерілету және бизнестің өзекті мәселелерін шешу үшін тиімді алаңға айналатын сауда-экономикалық және инвестициялық ынтымақтастық бойынша Қазақстан-Швеция комиссиясын құрудың маңыздылығын атап өтті Кездесу қорытындысы бойынша Қазақстан мен Швецияның сауда-экономикалық әріптестікті одан әрі нығайтуға, инвестициялық өзара іс-қимылды кеңейтуге және жаңа бірлескен бастамаларды жүзеге асыруға деген өзара мүдделілігі расталды Бұған дейін Қазақстан мен Швеция сауда-экономикалық және инвестициялық ынтымақтастық жөніндегі екіжақты комиссия құрған болатын