Қазақстан 2040 жылға қарай су тапшылығына ұшырауы мүмкін - депутат

Депутаттың айтуынша, Көкжиде жерасты суын сақтау мәселесі көп жылдан бері көтеріліп келеді — 1980 жылдардан бастап Көкжиде тұщы жер асты суларының үлкен қоймасы ретінде қарастырылды. Бүгінде оның ресурстары бірқатар елді мекендерді сумен қамтамасыз етуге жұмсалуда. Болашақта бұл көз Батыс Қазақстан өңірлерін ауыз сумен қамтамасыз ететін негізгі көздердің біріне айналуы мүмкін. Дегенмен бұл салада мұнай өндіру жұмыстары жүріп жатыр, сондықтан жер асты суларының сапасын сақтау мәселесі көп жылдардан бері жұртшылықты толғандырып келеді, деді Еділ Жаңбыршин Мәжілісте өткен Экология және табиғи ресурстарды басқару комитетінің отырысында Ол су тапшылығының күшеюі жағдайында бұл тақырыптың ерекше өзекті екенін атап өтті. Мемлекет басшысы судың стратегиялық ресурс екенін бірнеше рет атап өтті. Мемлекет басшысы су ресурстарын басқару жүйесін цифрландыруға, сондай-ақ оларды пайдалану мен қорғауға бақылауды күшейтуді тапсырды — Халықаралық ұйымдардың бағалауы бойынша Қазақстан су тапшылығы қаупі жоғары елдердің қатарында. Еліміздегі су қорының 45-48%-ы көршілес мемлекеттердің аумағында қалыптасады. 2040 жылға қарай су тапшылығы 17,5 текше шақырымға жетуі мүмкін. Осындай жағдайда ішкі тұщы су қорын сақтау ұлттық қауіпсіздік мәселесіне айналады, деп атап өтті Еділ Жаңбыршин Қазақстанның су шаруашылығын дамытудың кешенді жоспарын жүзеге асыру аясында ағымдағы жылдың соңына дейін 105 гидротехникалық құрылысқа көпфакторлық сараптама жүргізу жоспарланғаны бұрын хабарланған болатын