Қазақстан мен Ресей ядролық медицина мен реакторлық технологиялар саласындағы жобаларды әзірлейтін болады

Құжат атом энергиясын бейбіт мақсатта пайдалану саласындағы ғылыми зерттеулер, кадрлар даярлау, тәжірибе алмасу және бірлескен жобаларды жүзеге асыру саласындағы ынтымақтастықты дамытуға бағытталған Қол қою рәсімінде сөз сөйлеген Қазақстан Республикасы Атом энергиясы агенттігінің төрағасы Алмасадам Сатқалиев Қазақстан мен Ресей арасындағы ғылыми-техникалық әріптестікті нығайтудың маңыздылығын атап өтті — Қазақстан атом электр станциясын салуды, ғылыми-зерттеу инфрақұрылымын дамытуды, инженерлік кадрларды даярлауды және халықаралық ынтымақтастықты кеңейтуді қоса алғанда, атом өнеркәсібін дамытудың кешенді тәсілін жүзеге асыруда. «Курчатов институты» ұлттық ғылыми-зерттеу орталығы бұл жұмыстағы негізгі серіктестердің бірі болып табылады. Қол қойылған Меморандум ынтымақтастығымызға жаңа серпін беріп, нақты бірлескен жобаларға негіз болады деп сенеміз», - деді Алмасадам Сатқалиев Тараптар арасындағы өзара іс-қимылдың басым бағыттары ретінде термоядролық зерттеулер, реакторлық технологиялар, ядролық медицина, ғылыми инфрақұрылымды цифрландыру, сондай-ақ бірлескен ғылыми жобаларды әзірлеу белгіленген Сондай-ақ тараптар екі елдің ғылыми ұйымдарының әлеуетін пайдалана отырып, кадрлар даярлау және ғылыми тәжірибе алмасу саласындағы ынтымақтастықты кеңейтуге ниетті. Меморандумды жүзеге асыру Қазақстан мен Ресей арасындағы ғылыми-техникалық ынтымақтастықты одан әрі дамытуға, ғылыми-зерттеу базасын нығайтуға және атом өнеркәсібі үшін жоғары білікті мамандарды даярлауға ықпал етеді деп күтілуде Сондай-ақ, Санкт-Петербургке жұмыс сапары аясында Қазақстан Республикасы Атом энергиясы агенттігінің төрағасы Алмасадам Сәтқалиев «Курчатов институты» Ұлттық ғылыми-зерттеу орталығының қызметімен танысты. Сапар барысында ғылыми зерттеулердің негізгі бағыттары, бірегей ғылыми-зерттеу инфрақұрылымы және ядролық және термоядролық технологиялар саласындағы перспективалық әзірлемелер таныстырылды Еске салайық, Қазақстан мен Ресей бірінші атом электр станциясының құрылысын қаржыландыру туралы келісімге қол қойды