Астанада Қазақстан мен Испания саяси консультациялар мен форум өткізеді

Қазақстан Республикасы Сыртқы істер министрлігінің ресми өкілі Ерлан Жетібаевтың айтуынша, 16 маусымда Астанада Қазақстан Республикасы мен Испания Корольдігінің Сыртқы істер министрліктері арасындағы саяси консультациялардың сегізінші раунды өтеді Кездесуге Қазақстан тарапынан Сыртқы істер министрінің орынбасары Арман Исетов қатысады. Испания делегациясын Испанияның Мемлекеттік хатшысы Диего Мартинес Белио басқарады Жетібаевтың айтуынша, кездесуге қатысушылар қол жеткізілген уағдаластықтарды жүзеге асыруға баса назар аударады «Консультациялар барысында тараптар саяси диалогты дамыту, сауда-экономикалық және инвестициялық байланыстарды нығайту, мәдени-гуманитарлық өзара іс-қимылды кеңейтуді қоса алғанда, Қазақстан-Испания ынтымақтастығының кең ауқымды мәселелерін, сондай-ақ халықаралық және өңірлік күн тәртібіндегі өзекті мәселелерді талқылауды жоспарлап отыр», - деді ол ведомствода өткен брифингте Консультациялармен қатар елордада Қазақстан-Испан форумының бірінші отырысы өтеді. Алаңда екі елдің мемлекеттік органдары, кәсіпкерлері мен сарапшылары бас қосады «Форум перспективалы бірлескен жобаларды ілгерілетуге және өзара іс-қимылдың басым бағыттары бойынша практикалық ынтымақтастықты кеңейтуге ықпал етеді деп күтілуде», - деді Жетібаев Сыртқы істер министрлігі алдағы іс-шаралар жаңа бірлескен бастамаларды бастауға және Қазақстан мен Испания арасындағы стратегиялық серіктестікті одан әрі дамытуға ықпал етеді деп күтеді Бұған дейін маусым айында Қазақстанға Германияның Экономика және энергетика федералды министрі Катерина Райхе мен ведомствоның парламенттік мемлекеттік хатшысы Штефан Рунхоффтың келетіні хабарланған болатын