Қазақстан мен Испания кеңейтілген стратегиялық әріптестікті дамыту мәселелерін талқылады

Қазақстандық делегацияны Қазақстан Республикасы Сыртқы істер министрінің орынбасары Арман Исетов, испандық тарапты Испания Сыртқы істер, Еуропалық Одақ және ынтымақтастық министрлігінің Сыртқы және жаһандық істер жөніндегі Мемлекеттік хатшысы Диего Мартинес басқарды Министрліктің хабарлауынша, консультациялар аясында саяси диалогтан сауда-экономикалық, инвестициялық, мәдени-гуманитарлық және білім беру жобаларына дейінгі ынтымақтастықтың кең ауқымы қарастырылды. Сондай-ақ тараптар ағымдағы халықаралық және өңірлік күн тәртібі мен халықаралық ұйымдар аясындағы өзара іс-қимыл туралы пікір алмасты Сауда-инвестициялық ынтымақтастықты одан әрі нығайтуға ерекше назар аударылды. Испания Еуропалық Одақ мемлекеттері арасында Қазақстанның негізгі экономикалық серіктестерінің бірі болып табылатыны атап өтілді. Мұны 2025 жылы оның көлемі 1,93 млрд АҚШ долларын құраған екіжақты сауданың тұрақты көрсеткіштері растайды. Тараптар көлік-логистика, жаңартылатын энергия көздері, ауыл шаруашылығы, цифрландыру, туризм және білім беру салаларындағы ынтымақтастықты одан әрі кеңейтуге мүдделілік танытты «Қазақстан Испанияны Еуропадағы негізгі серіктестердің бірі ретінде қарастырады және сенім мен өзара құрмет қағидаттарына негізделген стратегиялық ынтымақтастықты одан әрі тереңдетуге бейілді», - деп атап өтті Арман Исетов Өз кезегінде, Диего Мартинес испандық тараптың экономикалық және гуманитарлық салалардағы бірлескен жобалардың маңызды әлеуетін атап өтіп, көпқырлы ынтымақтастықты дамытуға дайын екенін растады Кездесу қорытындысы бойынша тараптар саяси диалогты одан әрі нығайтуға және барлық негізгі бағыттар бойынша екіжақты ынтымақтастықты кеңейтуге өзара мүдделі екендіктерін растады Естеріңізге сала кетейік, Қазақстан мен Франция атом энергетикасы саласындағы ынтымақтастықты дамытуға ниетті