Шығыс Қазақстандағы KAZ Minerals кенішінде тағы бір жұмысшы қаза тапты

Шығыс Қазақстан облысындағы KAZ Minerals кенішінде тағы бір жұмысшы қаза тапты. Компанияның мәліметінше, 30 мамыр күні сағат 20:30 шамасында «Востокцветмет» кәсіпорнына қарасты «Артемьевская» шахтасында тау жынысы опырылып, жұмысшы үйінді астында қалған "Бұл бүкіл команда үшін ауыр қаза. Біз әріптесіміздің отбасымен, туған-туыстарымен және жақындарымен бірге қайғырамыз. Компания отбасына барлық қажетті көмек пен қолдау көрсетеді", - делінген компания хабарламасында Оқиға орын алған аймақтағы барлық жұмыстар тоқтатылды. Компания оқиғаның мән-жайы мен себептерін уәкілетті органдардың қатысуымен тергеу жүріп жатқанын қосты Компания «олар үшін болған оқиғаның толық бейнесін жасау және болашақта осындай қайғылы оқиғалардың алдын алу үшін қандай қосымша шаралар қажет екенін түсіну өте маңызды» деп сендірді Бұл бір ай ішінде KAZ Minerals кенішіндегі екінші қайғылы оқиға. 9 мамырда «Востокцветмет» бірлестігінің «Артемьевская» шахтасында шаңды желдету қызметінің слесары жөндеу жұмыстарын жүргізу кезінде шамамен 9 метр биіктіктен құлап, өмірге сәйкес келмейтін дене жарақатын алды Сәуірдің 27-сі күні Абай ауданындағы «Орловская» шахтасында тау жыныстары опырылып, салдарынан бір жұмысшы қаза тауып, тағы біреуі жараланған Наурызда компания нысандарының бірінде екі қызметкер зиянды газдан уланып, біреуі қайтыс болды 2024 жылдың күзінде Ертіс және Артемьев кеніштерінде бес адам қаза тапты Қазақстандағы кәсіпорындарда жұмысшылардың өлімі де аз емес. 5 мамыр күні таңертең Өскемендегі «Қазмырыш» зауытында болған жарылыс салдарынан екі адам қаза тауып, бес адам жарақат алды. Зардап шеккендердің тағы біреуі кейін ауруханада көз жұмды Алдын ала себептерге тоқталған Төтенше жағдайлар министрлігі түтін шығарғышты тазалау жұмыстары кезінде «жарылыс болып, одан кейін өрт шығып, ғимарат ішінара опырылғанын» хабарлады Azattyk Asia © 2026 Азаттық радиосы, Inc. | Барлық құқықтар қорғалған