Алматыда заңсыз көші-қон арналары тоқтатылды

Бес күндік рейдте 1176 тәртіп бұзушы жауапкершілікке тартылды. Сот шешімімен 225 шетел азаматы Қазақстан Республикасынан шығарылды Атап айтқанда, мегаполисте болу ережесін бұзғаны үшін 830 шетел азаматы әкімшілік жауапкершілікке тартылды. Тағы 273 қабылдаушы өздері шақырған азаматтардың болуының заңдылығын қамтамасыз ету шараларын қолданбағаны үшін жауапқа тартылды. Сондай-ақ, шетелдік жұмыс күшін тарту ережелерін бұзған 73 жұмыс беруші анықталды Іс-шаралар барысында мемлекетаралық іздеуде жүрген үш шетелдік те анықталып, ұсталды. Заңсыз көші-қонның жолын кесуге ерекше назар аударылады. Осы фактілер бойынша заңсыз кіру және болу арналарын ұйымдастыру бойынша үш қылмыстық іс қозғалды. Сондай-ақ, бұрын сот шешімімен шығарылған 57 шетелдік азаматтығын алған елдеріне мәжбүрлі түрде қайтарылуда Алматы қалалық ІІД көші-қон қызметі басқармасының бастығы Еркін Амантаев жүргізіліп жатқан жұмыстар жүйелі әрі профилактикалық сипатта екенін баса айтты — Біздің басты міндетіміз – заң бұзушылықтарды анықтау ғана емес, көші-қон саласындағы тәртіпті қалпына келтіру. Бұл қауіпсіздік, бақылау және барлығының заң талаптарын сақтауы туралы. Біз тәртіп бұзушылардың өздерін де, олардың заңсыз болуына ықпал еткендерді де дәйекті түрде анықтаймыз – бұл үй иелері де, жұмыс берушілер де», - деп атап өтті Еркін Амантаев. Оның айтуынша, заңсыз көші-қон арналарын анықтауға ерекше мән беріледі Естеріңізге сала кетейік, Жетісу облысында 300-ден астам көші-қон заңнамасын бұзу фактісі анықталған. Сондай-ақ Астанада шетелдіктерге заңсыз ЖСН беру схемасы тоқтатылғаны туралы бұған дейін хабарланған болатын