Шымкентте Жеңіс күні қалай тойланады

Шымкенттегі «Даңқ» мемориалдық кешенінде Жеңіс күніне арналған салтанатты шара өтті. Ұлы Отан соғысында қаза тапқан жауынгерлерді еске алу мақсатында өткен салтанатты шараға ардагерлер, қоғам өкілдері, зиялы қауым, жастар, қала тұрғындары мен қонақтары қатысты, деп хабарлады қала әкімдігі Шымкенттегі «Даңқ» мемориалдық кешенінде Жеңіс күніне арналған салтанатты шара өтті. Ұлы Отан соғысында қаза тапқан жауынгерлерді еске алу мақсатында өткен салтанатты шараға ардагерлер, қоғам өкілдері, зиялы қауым, жастар, қала тұрғындары мен қонақтары қатысты, деп хабарлады қала әкімдігі Іс-шара Қазақстан Республикасы Ұлттық ұланының 35748 әскери бөлімі оркестрінің Қазақстан Республикасының Мемлекеттік Гимнін орындауымен басталды. Жиналғандар майдан даласында қаза тапқан батырларды бір минут үнсіздікпен еске алды Салтанатты шараға Шымкент қаласының әкімі, қалалық мәслихаттың төрағасы, ардагерлер мен жұртшылық өкілдері қатысты. Салтанатты шараға қатысушылар Мәңгілік алауға, сондай-ақ «Жұлдыз» және «Ұшақ» монументтеріне гүл шоқтарын қойып, «Даңқ» аллеясын аралады Жеңіс күні – майдандағы және тылдағы жанқиярлықтың, ерлік пен халық бірлігінің символы. Қазақ халқы қашанда Отан қорғауды қасиетті парыз санаған. Ұлы Отан соғысы жылдарында мыңдаған қазақстандықтар майданға аттанып, еліміздің тәуелсіздігі мен бейбіт өмірі үшін жанқиярлықпен шайқасты. Олардың қатарында Шымкент өңірінен шыққан қаһарман жауынгерлер де аз емес Шара барысында қалалықтар майдангерлер мен тыл еңбеккерлеріне ерекше құрмет білдіріп, еліміздің бейбіт өмірі мен тәуелсіздігі үшін аға ұрпаққа алғыстарын білдірді Соғыс жылдарындағы барлық ауыртпалықтарды мойынсұнбай өткеріп, Жеңіске қол жеткізген ардагерлердің ерлігі кейінгі ұрпаққа ерлік пен табандылық пен отансүйгіштіктің үлгісі болып, халық жадында мәңгі сақталады Фото: Шымкент қалалық ІІБ Қазақстандағы және әлемдегі оқиғалар туралы ең маңызды нәрселер