Талдықорғандағы жылу желілерінің тозуы екі есеге жуық азаяды

2026–2029 жылдарға арналған Коммуналдық шаруашылықты және энергетикалық секторды жаңғыртудың ұлттық жобасын іске асыру аясында облыс орталығында инженерлік инфрақұрылымның тозуын азайтуға және тұтынушыларды жылумен жабдықтау сенімділігін арттыруға бағытталған магистральдық жылу желілерін қайта жаңарту көзделген 1980 жылы пайдалануға берілген диаметрі 700 мм жылу магистраліне ерекше көңіл бөлінуде. Бүгінде оның тозуы 61 пайызды құрап отыр. Жоба 2029 жылға дейін үш кезеңде жүзеге асырылуда. Қайта қалпына келтірілген учаскелердің жалпы ұзындығы 8,7 шақырымды құрайды. Жұмыс аяқталғаннан кейін тозу деңгейі 38% дейін төмендейді Ағымдағы жылы ұзындығы 3,5 шақырымды құрайтын «Талдықорған қаласының магистральдық жылу желілерін қайта жаңғырту» жобасының бірінші кезеңі жүзеге асырылуда. Бүгінгі таңда 800 метр жұмыс орындалды немесе жоспардың 25 пайызы. Бірінші кезеңнің нәтижесінде жылу магистралінің тозуы ағымдағы деңгейден 51,8%-ға дейін төмендейді, бұл жылумен жабдықтау сенімділігін арттырады және жылу беру маусымында төтенше жағдайлардың туындау қаупін азайтады Жобаны іске асыру нәтижесінде пайдалану шығындары азайып, жылу энергиясының ысыраптары азайып, қаланы жылумен қамту жүйесінің тиімділігі артады деп күтілуде. Талдықорғандағы жұмыс республика бойынша жылу инфрақұрылымын жаңғыртудың ауқымды бағдарламасының бір бөлігі болып табылады Биылғы жылы жылыту маусымына дайындық аясында елімізде 377 шақырым, оның ішінде Ұлттық жоба аясында 130 шақырым жылу желісін қайта жаңғырту және күрделі жөндеу жоспарлануда. Қазіргі таңда 16 облыста 152 шақырымында жұмыстар жүргізілуде, оның 35 шақырымы аяқталды Энергетика министрлігі Мемлекеттік энергетикалық қадағалау және бақылау комитетінің аумақтық департаменттері жылумен жабдықтау нысандарының алдағы жылу беру маусымына дайындығын, сондай-ақ жөндеу жұмыстарының кестелерінің сақталуын тұрақты бақылауда Бұған дейін Үкімет Степногорск және Көкшетау қалаларының жылу желілерін жөндеуге төрт миллиард теңгеге жуық қаражат бөлгені хабарланған болатын