Ирактың Ормуз бұғазы арқылы мұнай экспорты сәуір айында күрт төмендеді

Ирактың Ормуз бұғазы арқылы мұнай экспорты сәуір айында күрт төмендеді Бұл туралы сенбі күні өткен баспасөз мәслихатында Ирактың мұнай министрі Басим Мохаммад мәлім етті, деп хабарлайды ҚазАқпарат. Министрдің айтуынша, Ирак сәуір айында Ормуз бұғазы арқылы 10 миллион баррель мұнай экспорттаған. Салыстыру үшін өткен соғысқа дейін Ирактың Ормуз бұғазы арқылы айына шамамен 93 миллион баррель мұнай экспорттағаны атап өтілді. Басим Мохаммад нарықтар стратегиялық маңызды су жолында энергия тасымалдауды қалпына келтіруге қатысты сигналдарды мұқият қадағалап отырғанын айтты. Иран соғысы басталғалы бері нарық шамамен 1 миллиард баррель көлеміндегі жеткізілімнен айырылғаны атап өтілді Ирак үкіметі Ормуз бұғазына тәуелділікті азайту үшін балама экспорттық бағыттарды кеңейтуге тырысуда. Осы аяда Бағдад пен Күрдістан аймақтық үкіметі арасындағы келісімнен кейін наурыз айында Киркук-Джейхан мұнай құбыры арқылы экспорт қайта басталды. Қазіргі уақытта Джейхан порты арқылы күніне 200 мың баррель мұнай экспортталады және бұл көлемді 500 мың баррельге жеткізу жоспарлануда Министр Ирактың өндіріс пен экспорт мүмкіндіктерін арттыру мақсатында ОПЕК-пен үйлестіруді күшейтуге ниетті екенін қосты. Елдің тәуліктік өндіру қуатын 5 миллион баррельге жеткізу көзделуде Айта кетейік, Түркия арқылы өтетін мұнай құбырын қоспағанда, Ирактың Ормуз бұғазын балама жолдармен ауыстыру мүмкіндігі шектеулі. Осы себепті елдің мұнай экспорты аймақтық дағдарыстан ең көп зардап шеккен салалардың бірі болып саналады. Наурызда Ирактың экспорты алдыңғы аймен салыстырғанда шамамен 97 пайызға төмендеп, орташа есеппен тәулігіне 99 мың баррельді құрады 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек