Иран Израильге зымыран ұшырды: Трамп Теһранды сабырға шақырып, келіссөздерге қайта оралуға шақырды

Израиль қорғаныс күштері (IDF) Иран аумағынан Израиль аумағына қарай баллистикалық зымырандардың ұшырылғанын тіркеді, деп хабарлайды Reuters. Times of Israel газеті елдің солтүстігінде әуе шабуылының сиреналары естіледі деп қосады. Бұған дейін Тегеран Израильдің Бейруттің оңтүстік маңындағы әуе шабуылдарына «шешуші және ауыр» жауап беруге уәде еткен. Иран парламентінің спикері Мохаммад Галибаф та соққыдан кейін АҚШ-тың Таяу Шығыстағы нысандарының Иранның шабуылдары үшін «заңды нысанаға» айналғанын айтты. Израиль армиясы 7 маусым күні Бейруттың оңтүстігіндегі «Хезболла» радикалды қозғалысының инфрақұрылымына соққы бергенін хабарлады. Ливан Денсаулық сақтау министрлігінің мәліметінше, бұл шабуылдан бейбіт тұрғындар қаза тапқан. Израиль премьер-министрі Биньямин Нетаньяху бұл соққының Хезболланың елдің солтүстігіне зымыран ұшыруына жауап ретінде жасалғанын айтты. Израиль әскері бұл зымырандардың барлығын ұстағанын хабарлады АҚШ президенті Трамп Иранды зымыран ұшырылғаннан кейін келіссөздерге қайта оралуға шақырды, деп хабарлайды Fox News «Мен Иранға кеңес берер едім: сіз зымырандарды ұшырдыңыз, жеткілікті.«Келіссөз үстеліне қайта оралып, мәміле жаса» деді Америка басшысы телеарнаға Трамп сонымен қатар АҚШ әскерінің жоғары дайындықта екенін айтты Иран бүгін Израильге жасаған шабуылы Тель-Авивке Ливанға шабуылдарын тоқтату туралы ескерту екенін айтады