Иран АҚШ-тың соғысты тоқтату туралы ұсынысын қарастыруда

Тегеран АҚШ-тың соғысты тоқтату туралы соңғы ұсынысын алды және онымен таныс. Бұл туралы Иранның ISNA мемлекеттік ақпарат агенттігі Сыртқы істер министрлігінің өкілі Есмаил Багайға сілтеме жасап хабарлады Бұл ретте ол ұсыныста кейбір қабылданбайтын нормалар бар екенін меңзеп өтті Багайдың айтуынша, Тегеран өз ұстанымын келіссөздерге делдал болып отырған Пәкістан арқылы «қорытынды шешім қабылданғаннан кейін» жеткізеді АҚШ президенті Дональд Трамп Пәкістанмен арадағы келіссөздер сәтті жүріп жатқанын айтты "Олар мәміле жасағысы келеді. Соңғы 24 сағатта өте жақсы келіссөздер болды және келісімге келуге болады", - деді Трамп 6 мамырда Ақ үйде журналистердің сұрақтарына жауап беріп жатып Кейінірек Джорджиядағы Республикалық партияның құрылтайындағы бейне үндеуінде Трамп соғыстың «жақын арада аяқталатынын» айтты Бұған дейін Америка басшысы Тегеран соңғы келісімнің шарттарына келіспесе, Иранға «қаттырақ соққылар» берілетінін ескерткен Хабарларға қарағанда, тараптар әлі де бірқатар мәселелер бойынша ортақ пікірге келе алмаған Олардың қатарында Иранның уранды байыту мүмкіндігіне қатысты дау мен Ормуз бұғазын бақылау да бар Әлемдегі мұнай мен газдың шамамен 20 пайызын тасымалдайтын Ормуз бұғазын Тегеран наурыз айының басында АҚШ пен Израильдің соққыларына жауап ретінде жауып тастады Соғыс 28 ақпанда басталды