Иран АҚШ-тың бітімгершілік ұсынысына жауап ретінде Ливанда атысты тоқтату шартын қойды

АҚШ-тың қақтығысты реттеу туралы ұсынысына Иранның жауабы Ливандағы атысты тоқтатуды қамтиды «Report» хабарлағандай, бұл туралы Иранның мемлекеттік телеарнасы хабарлады Мәліметтерге қарағанда, пәкістандық делдалға берілген мәтін барлық майдандарда, әсіресе Ливанда жүзеге асырылып жатқан соғысты тоқтатуға бағытталған Еске сала кетейік, ақпанның 28-і күні АҚШ пен Израиль Иранға қарсы әскери операциясын бастап, бірқатар қалаларға әуе шабуылдары жасалған болатын. Сол күні Иранның рухани көсемі Әли Хаменеи соққылардың салдарынан қаза тапты. Бұған жауап ретінде Иран Израиль аумағына зымырандық соққы беріп, Парсы шығанағы елдеріндегі АҚШ әскери базаларына шабуыл жасады Иран, АҚШ және олардың одақтастары сәуірдің 8-іне қараған түні екі апталық атысты тоқтату туралы келісімге келді. Кейін Трамп атысты тоқтатуды белгісіз мерзімге ұзартты Тараптар қақтығысты шешу үшін Пәкістанда келіссөздер жүргізді, бірақ 11-12 сәуірде өткен бірінші раунд еш нәтиже бермеді АҚШ Тегеранға қысым көрсету үшін Иран порттары мен Ормуз бұғазы арқылы өтетін жолдарды қоршауға алды. Иран өз кезегінде Парсы шығанағына баратын кемелер үшін Ормуз бұғазының қоршауын жариялады. Аймақтағы динамикалық өзгермелі жағдай жаһандық энергетикалық дағдарысты тудырды Бүгін Иран Вашингтон әкімшілігінің қақтығысты тоқтату жөніндегі соңғы ұсынысына қатысты Пәкістан арқылы АҚШ-қа жауап жібергені белгілі болды Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет