Иран-АҚШ келіссөздері жалғасуда - МӘЛІМДЕМЕ

Иран мен Америка Құрама Штаттарының келіссөздері жалғасуда және тараптар хабарлама алмасуда. Бұл туралы Иран Сыртқы істер министрлігінің баспасөз хатшысы Есмаил Багайи маусымның 8-і күні журналистер үшін өткен брифингте мәлімдеп, тараптардың хабарлама алмасуы жалғасып жатқанын хабарлады. Багайдың айтуынша, Пәкістан бұл процесте делдал ретінде маңызды рөл атқарып, келіссөздерді жалғастыруға көмектесуде. Дипломат Иранның «ерекше ұстамдылық танытқанын» атап өтті. «Біз АҚШ пен Израильдің атысты тоқтатуды бірнеше рет бұзғанына тап болдық», - деді СІМ ресми өкілі. Багайдың айтуынша, «Тегеранның өткен түндегі әрекеттері Иранның қорғанысы және БҰҰ Жарғысының 51-бабы аясында толығымен қорғаныстық сипатта болды». 7 маусымнан бері Таяу Шығыстағы жағдай қайтадан шиеленісе түсті. Израиль Ливанға шабуыл жасады және Иран Израильге шабуылмен жауап берді, Израиль Иранға бірқатар шабуылдармен жауап берді. Таяу Шығыстағы шиеленіс күшейіп жатқан тұста АҚШ президенті Дональд Трамп дүйсенбі күні ашық түрде Иран мен Израильді шабуылдарды тоқтатуға шақырды Трамп «Truth Social» платформасында: «Израиль мен Иран атысты дереу тоқтатуы керек!» деп жазды