Димаштың шабыты: Жанкүйерлер мұқтаж жандарға қолдау көрсетіп, ормандарды қалпына келтіруде

Чехиялық фан-клуб мүшелері ауыр аурумен күресіп жатқан кішкентай Томашекке қолдау көрсету үшін қаражат жинау науқанын бастады. Қаражат тұрақты күтім мен медициналық қолдауды қажет ететін бала мен оның отбасына көмек көрсетуге бағытталады. Бұған дейін Ақтөбедегі музыка мектебіндегі дарынды оқушыларға чех жанкүйерлері де қаржылай көмек көрсеткен болатын Словакиялық жанкүйерлер тағы бір игі бастаманы жүзеге асырды. Димаштың 32 жасқа толған туған күніне фан-клуб мүшелері 2 мың еуро жинап, қиын өмірлік жағдайға тап болған адамдарға берілді Ұйымдастырушылардың айтуынша, бастаманың мақсаты мұқтаж жандарға атаулы көмек көрсету болған Әншінің Солтүстік және Оңтүстік Америкадағы жанкүйерлері ормандарды қалпына келтіру үшін экологиялық науқандар ұйымдастырды Атап айтқанда, олар Аргентинада және басқа елдерде ағаш отырғызу жобаларын қаржыландырды. Бұған қоса, жанкүйерлер БҰҰ-ның жүйелік ұйымдары арқылы мигранттарға көмек көрсету бағдарламаларын қолдау үшін қайырымдылық көмектерін жасады Жанкүйерлер бұл бастамалар Димаш Құдайбергеннің өнері арқылы жеткізетін мейірімділік, ынтымақтастық және гуманизм құндылықтарын көрсетеді деп санайды. Олар музыканың халықтарды біріктіретін ғана емес, сонымен бірге шынайы жанашырлық әрекеттерін шабыттандыратын күші бар екеніне сенімді