Таразда синтетиканың ірі партиясымен шетелдік азамат ұсталды

Жамбыл облысының полицейлері жедел іздестіру шаралары барысында 29 жастағы шетел азаматын ұстады. Жеке тінту кезінде оның үстінен электр лентасына оралған 10 пакет табылды. Ішінде ақ ұнтақты зат болды. Полицейлер жақын жерден тағы 18 ұқсас пакетті тапты Тергеушілер күдіктінің уақытша тұрғылықты жерін тінту кезінде құрамында ерекше иісі бар ұнтақты зат салынған тағы 109 бума тапты Сараптама тәркіленген заттың синтетикалық «Альфа-ПВП» есірткі заты екені анықталды. Партияның жалпы салмағы 59,01 грамм болды. Қара нарықтағы бұл көлемнің құны 2,7 миллион теңгеден асады деген болжам бар Алдын ала болжам бойынша, ер адам Telegram арқылы түскен ұсыныстан кейін заңсыз ақша табуға келіскен. Ол Алматыға таратуға дайындалған пакеттерді алып, кейін Таразға келді Аталған факті бойынша ҚР Қылмыстық кодексінің 297-бабының 3-бөлігі бойынша сотқа дейінгі тергеу басталды. Күдікті уақытша ұстау изоляторына қамалды Бұған дейін Ақтауда оңтүстіктен есірткінің ірі партиясын жеткізетін арнаның жолын кесу туралы айтқан болатынбыз