Инфляция төмендеп, резервтер өсуде: Тоқаевқа Ұлттық банктің 2025 жылға арналған есебі ұсынылды

Мемлекет басшысы Ұлттық банк басшылығының 2025 жылғы жұмыс қорытындылары мен 2026 жылға арналған жоспарлар туралы есебін тыңдады. Ұлттық банк төрағасы Тимур Сүлейменов ақша-несие саясатының қорытындылары, қаржы секторының жай-күйі, алтын-валюта резервтері, Ұлттық қор активтері мен зейнетақы активтері, сондай-ақ БЖЗҚ-ның цифрлық трансформациясы, қаржылық жүйені трансформациялау барысы туралы ақпаратты таныстырды Мемлекет басшысына Ұлттық қордың активтерін және Ұлттық банктің сенімгерлік басқаруындағы БЖЗҚ активтерін басқару қорытындылары туралы баяндалды 2025 жылдың соңында Ұлттық банктің алтын-валюта резервтерінің көлемі 65,4 миллиард долларды құрап, рекордтық деңгейге жетті. Ұлттық қордың валюталық активтері 5,1 миллиард долларға өсіп, 63,9 миллиард долларды құрады. БЖЗҚ активтерінің көлемі 2,7 трлн теңгеге өсіп, 25,1 трлн теңгеге жетті Қасым-Жомарт Тоқаевқа цифрландыру және цифрлық жобаларды жүзеге асыру барысы туралы да хабарланды. 2025 жылы цифрлық активтерге арналған арнайы құқықтық режим іске қосылды, оның негізінде нақты активтерді токенизациялау, ақшамен қамтамасыз етілген стабилкоиндарды шығару, криптопровайдерлердің және крипто-фиат арналарының қызметін ұйымдастыруды қоса алғанда, 30-дан астам пилоттық жоба жүзеге асырылды Қазақстан аймақта бірінші болып қауіпсіз биометрияны, банкаралық есеп айырысуларды, қаржылық ақпарат алмасу жүйесін, цифрлық теңгені, алаяқтықтан қорғауды және заманауи цифрлық қызметтерді біріктіретін Ұлттық цифрлық қаржылық инфрақұрылымды іске қосты Кеңес қорытындысы бойынша Мемлекет басшысы Ұлттық банкке қаржы жүйесінің тұрақтылығын қамтамасыз етуді және үкіметпен бірлесіп инфляцияны тежеу және макроэкономикалық тұрақтылықты сақтау бойынша келісілген саясатты жүзеге асыруды тапсырды Сонымен қатар, қаржы нарығының заманауи цифрлық инфрақұрылымын одан әрі дамытудың маңыздылығы атап өтілді Бұған дейін Тоқаев прогрессивті саяси күштерді реформалардың жаңа кезеңінде бірігуге шақырған болатын