Ильхам Әлиев пен Мехрибан Әлиева Джабрайыл аудандық орталық ауруханасы ғимаратының құрылысымен танысты

9 мамырда Әзербайжан президенті Ильхам Әлиев пен бірінші ханым Мехрибан Әлиева 150 төсектік Джабрайыл аудандық орталық ауруханасы ғимаратының құрылысымен танысты Денсаулық сақтау министрі Теймур Мұсаев мемлекет басшысы мен бірінші ханымға атқарылған және жоспарланған жұмыстар туралы баяндады, деп хабарлайды ҚазАқпарат Айта кетейік, бұл аурухана ғимаратының іргетасын 2021 жылы президент Ильхам Әлиев қалаған болатын, оның аумағы 5 гектарға жуық. Ауруханада терапия, хирургия, педиатрия, перзентхана, жұқпалы аурулар, анестезиология-реанимация, гемодиализ және басқа бөлімшелер жұмыс істейтін болады. Сонымен қатар емхана, радиациялық-диагностикалық, функционалдық-диагностикалық, физиотерапиялық және медициналық оңалту бөлімдері, клиникалық диагностикалық зертхана құрылады. Қазіргі таңда негізгі ғимараттан бөлек, жұқпалы аурулар, гемодиализ және емхана ғимараттары, жедел медициналық жәрдем станциясы, Жабрайыл аудандық гигиена және эпидемиологиялық орталық және басқа да ғимараттардың құрылысы жалғасуда Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет