Ильхам Әлиев Әзірбайжанның православ христиан қауымын құттықтады

Президент Ильхам Әлиев Әзірбайжанның православ христиан қауымына құттықтау хат жолдады Сіздерді – Әзірбайжанның бүкіл христиан қауымын қасиетті Пасха мерекесімен шын жүректен құттықтаймын, баршаңызға бақыт пен тыныштық тілеймін Әзірбайжанда ғасырлар бойы қалыптасқан толеранттылық атмосферасы мұнда қоныстанған түрлі халықтардың, конфессиялар мен нанымдардың өкілдері арасында үлгілі де үйлесімді қоғамдық қарым-қатынас орнатуда ерекше рөл атқарды. Біз қоғамымызда тарихи қалыптасқан этникалық-мәдени әртүрлілікті, ұлттық-рухани құндылықтар мен көпмәдениетті дәстүрлерді қазіргі мемлекеттігіміздің бірегей байлығы ретінде бағалаймыз Қазіргі таңда елімізде демократиялық-құқықтық принциптердің қамтамасыз етілуі әрбір адамға, соның ішінде христиан қауымына тіліне, дініне, ұлтына қарамастан өзінің қайталанбас дәстүрін, тілі мен мәдениетін сақтап қалуға кең мүмкіндіктер туғызуда. Христиан отандастарымыздың қоғамдық-саяси, әлеуметтік-мәдени өмірімізге белсене қатысып, тәуелсіз мемлекетіміздің жан-жақты дамуына лайықты үлес қосып жатқанын қанағаттанарлықпен атап өткім келеді Қайта өрлеудің, жаңашылдықтың, мейірімділік пен жанашырлықтың символы болған Пасха мейрамы Әзірбайжанда жыл сайын тойланады. Әрқайсыларыңызға тағы да шын жүректен мерекелік құттықтауымды жеткізіп, отбасыларыңызға құт-береке, ризығыңызға мол, дастарханыңызға береке тілеймін Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет