HRW: Қырғызстандағы заң жобасы трансгендерлердің құқықтарын шектеуі мүмкін

Human Rights Watch (HRW) Қырғызстанда қазір қаралып жатқан заң жобасы трансгендерлердің құқықтарын айтарлықтай шектейтінін хабарлады Бұл туралы ұйымның 15 маусымда жарияланған мәлімдемесінде айтылған Заң жобасы 4 маусымда Жогорку Кенеште бірінші оқылымда мақұлданды. Заң күшіне енуі үшін ол тағы екі оқылымнан өтіп, президент қол қоюы керек. Құқық қорғаушылар парламент жазғы каникулға дейін заңды тез қабылдайды деп қауіптенеді HRW Орталық Азия бойынша зерттеушісі Сыйнат Сұлтаналиеваның айтуынша, заң жобасы трансгендерлер туралы қате түсініктерге негізделген және олардың өміріне тікелей кері әсер етуі мүмкін Ұйымның мәліметінше, Қырғызстанда 2020 жылға дейін құжаттардағы адамның жынысын өзгертуге болатын. Кейін ол заңнан алынып тасталды. Содан бері мұндай өзгерістерді енгізгісі келетіндер тек сот арқылы ғана жасауға мәжбүр. Ал 2024 жылы гендерлік сезімтал медициналық көмек тек 25 жастан асқандарға ғана қолжетімді болады Human Rights Watch заң жобасы қабылданса, трансгендерлер жұмысқа орналасу, білім беру, денсаулық сақтау және баспана алуда көбірек кемсітушілікке ұшырауы мүмкін екенін атап өтті Сондай-ақ ұйым құжаттың кейбір ережелері Қырғызстан ратификациялаған халықаралық келісімдерге, соның ішінде Бала құқықтары туралы конвенцияға және Азаматтық және саяси құқықтар туралы халықаралық пактіге қайшы келуі мүмкін деп санайды Үстіміздегі жылдың 15 мамырында БҰҰ-ның адам құқықтары жөніндегі сарапшылары заң жобасының негізгі ережелері Қырғызстанның халықаралық міндеттемелеріне сәйкес келмейтінін хабарлады Әзірге Қырғызстан билігі мен заң жобасының бастамашылары Human Rights Watch ұйымының мәлімдемесіне түсініктеме берген жоқ