Есеп: Ядролық державалар өз арсеналдарын жаңғыртуды жалғастыруда

Тоғыз ядролық қаруы бар мемлекет 2025 жылы ядролық арсеналдарды жаңғырту және кеңейту бағдарламаларын жалғастырды Бұл туралы Стокгольм халықаралық бейбітшілікті зерттеу институтының (SIPRI) баяндамасында айтылған, деп хабарлайды ҚазАқпарат SIPRI мәліметтері бойынша, 2026 жылдың қаңтарына дейін әлемде 12 187 ядролық оқтұмсық болған. Оның 9 мың 745-і резервте болса, 4 мың 12-ге жуығы зымыран мен әскери ұшақтарға орналастырылды. Жоғары жауынгерлік әзірліктегі оқтұмсықтардың басым бөлігі Ресей мен АҚШ-қа тиесілі Баяндамада қырғи-қабақ соғыстан кейінгі жаһандық ядролық қорлардың азаю үрдісі алдағы жылдары өзгеруі мүмкін екені атап өтілген. Мұның басты себебі - жаңа ядролық қаруларды орналастыруды жеделдету және ескі жүйелерді жою қарқынының әлсіреуі SIPRI мәліметтері бойынша, Ресей мен Америка Құрама Штаттары бірге әлемдегі қолдануға жарамды ядролық оқтұмсықтардың шамамен 83 пайызына ие. Екі елдегі арсеналдардың көлемі 2025 жылы салыстырмалы түрде тұрақты болып қалатынымен, ауқымды модернизациялау бағдарламалары жүргізілуде Институттың мәліметінше, Қытайда 620-ға жуық ядролық оқтұмсық бар және оның арсеналындағы ең жылдам дамып келе жатқан ел. Үндістан мен Пәкістан да ядролық әлеуетін арттыруда, ал Солтүстік Корея ядролық бағдарламасын дамытуды жалғастыруда Баяндамада Ұлыбритания, Франция және Израильдің де ядролық күштерін модернизациялау бағытында қадамдар жасап жатқаны атап көрсетілген 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек