Халық табысын арттыруға арналған арнайы жоспар қабылданды

Қазақстандықтардың нақты табысын арттыруға бағытталған арнайы жоспар қабылданды. Бұл туралы Үкіметте өткен баспасөз мәслихатында Ұлттық экономика министрінің бірінші орынбасары Азамат Әмрин мәлімдеді. Құжат алты негізгі бағыт бойынша 59 іс-шараны қамтиды. Атап айтқанда, жалақыны көтеру, инфляцияны төмендету, халықтың несие жүктемесін азайту, адами капиталды дамыту және сапалы жұмыс орындарын көбейту көзделген. Сонымен қатар салық және әлеуметтік саясатты жетілдіру бойынша да кешенді жұмыстар жүргізіледі. Мамандардың айтуынша, жоспардың басты мақсаты – азаматтардың табысын арттырып қана қоймай, олардың сатып алу қабілеті мен әлеуметтік жағдайын жақсарту. Сондай-ақ бюджеттен қаржыландырылатын сала қызметкерлерінің жалақысын өсіру арқылы жекеменшік сектордағы еңбекақы көлемін де арттыру көзделіп отыр Ерділда Таутенов, Экономикалық зерттеулер институты басқарма төрағасының орынбасары: Сарапшылар халықтың табысын арттырумен қатар, несие жүктемесін азайтудың да маңызы зор екенін айтады. Себебі бүгінде қазақстандықтардың банк алдындағы берешегі 27,5 триллион теңгеге жеткен. Мамандардың пікірінше, табыстың өсуі мен инфляцияның баяулауы халықтың несие төлеу мүмкіндігін жақсартады. Бұл өз кезегінде тұрғындардың әл-ауқатын арттырып, ішкі тұтыну нарығының дамуына оң әсер етуі тиіс