Хакан Фидан: Ешкім АҚШ пен Иран арасындағы соғыс сценарийін қайталағысы келмейді

АҚШ пен Иран арасындағы атысты тоқтатудың баламасы - соғысқа қайта оралу және ешкім бұл сценарийді қайта көргісі келмейді Бұл туралы Түркияның Сыртқы істер министрі Хакан Фидан «Әл-Жазира» телеарнасына берген сұхбатында айтты, деп хабарлайды «Хабар» Оның айтуынша, қазір бүкіл әлемдік экономика зардап шегуде «АҚШ тарапы Иранның ұсынысын қабылдамаса да, ұстанымдарды қайта қарауға болады», - деді ол Х.Фидан Түркияның АҚШ, Иран және аймақ елдерімен байланыста екенін еске салды Түркия Сыртқы істер министрлігінің басшысы аймақ елдерінің келіссөздер үдерісіне көзқарасына қатысты шағын даулар бар екенін атап өтті: «Өкінішке орай, соңғы уақытта Біріккен Араб Әмірліктері мен кейбір басқа елдерге шабуыл жасалды Қазіргі уақытта атысты тоқтатудың жалғасып жатқанын атап өткен Х.Фидан аймақ елдері арасындағы байланыс және кеңесу үдерісінің жұмыс істеп жатқанын айтты Еске сала кетейік, 28 ақпанда АҚШ пен Израиль бірқатар қалаларға әуеден соққы беру арқылы Иранға қарсы әскери операция бастаған болатын. Бұған жауап ретінде Иран Израиль аумағына зымырандық шабуылдар жасап, Парсы шығанағы елдеріндегі АҚШ әскери базаларына шабуыл жасады 2026 жылдың 8 сәуіріне қараған түні Иран, АҚШ және олардың одақтастары екі апталық атысты тоқтату туралы келісімге келді, кейін оны Ақ үй басшысы Дональд Трамп белгісіз мерзімге ұзартты. Сәуірдің 11-12 күндері Исламабадта Пәкістанның арағайындығымен Иран мен АҚШ арасындағы келіссөздер өтті. Талқылаулар нәтиже бермеді Тегеранға қысым жасау құралы ретінде АҚШ Иран порттарын блокадаға алып, Ормуз бұғазы арқылы өтетінін жариялады. Өз кезегінде Иран Ормуздың Парсы шығанағы елдеріне баратын кемелер үшін жабылғанын айтты. Аймақтағы жағдай жаһандық энергетикалық дағдарысты тудырды Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет