Грузия неке арқылы тұруға рұқсат алу ережелерін қатайтады

Ішкі істер министрлігі хабарлағандай, Грузия азаматы мен шетел азаматы арасында тұруға ықтиярхат алу мақсатында немесе елде заңды болу үшін өзге де негіздер бойынша жасалған жалған некені қылмыстық құқық бұзушылық деп тану ұсынылады Заң жобасына сәйкес, мұндай құқық бұзушылық үшін айыппұл салу, бір жылдан екі жылға дейінгі мерзімге үйқамаққа алу немесе екі жылға дейінгі мерзімге бас бостандығынан айыру жазасы қарастырылуы мүмкін. Шетелдіктер үшін де қосымша шаралар қолдану ұсынылады - Грузиядан шығару және екі жылдан он жылға дейін елге кіруге тыйым салу Өзгерістер пакеті көші-қон процестеріне бақылауды күшейтуге, елде тұру құқығын алу кезінде теріс пайдаланудың алдын алуға және көші-қон режимін бұзуды анықтау тетіктерін жетілдіруге бағытталған Сондай-ақ агенттік шетел азаматтарының Грузияда болуына қатысты ережелерді қатайтуды, көші-қон органдарының өкілеттіктерін кеңейтуді және көші-қон заңнамасының сақталуын бақылаудың тиімділігін арттыруды ұсынады Егер парламент мақұлдаса, жаңа нормалар соңғы жылдары өз аумағында шетелдіктердің болу себептеріне бақылауды дәйекті түрде күшейтіп келе жатқан Грузияның көші-қон саясатын қатаңдатуға тағы бір қадам болмақ Бұған дейін Грузияның инвесторлар үшін иммиграциялық визаға қойылатын талаптарды күшейткені хабарланған болатын Ел билігі шетелдіктерге такси жүргізушісі, курьер және гид болып жұмыс істеуге де тыйым салды Грузияда шетелдіктерді, соның ішінде қашықтан жұмыс істейтіндерді жұмысқа орналастырудың жаңа ережелері күшіне енетінін жазғанбыз