Мемлекет басшысы ЕҚЫҰ Бас хатшысы Феридун Синирлиоглуны қабылдады

Кездесу барысында әңгімелесушілер тұрақты даму, климатқа төзімділік, су ресурстарын ұтымды пайдалану және экономикалық байланысты кеңейту салаларындағы ынтымақтастықты дамытуға мүдделілік танытты, деп хабарлайды Ақорда Мемлекет басшысы Қазақстан ЕҚЫҰ-ның барлық үш өлшемі бойынша ынтымақтастықты нығайтуға бейілді екенін растады. Серіктестік 2010 жылғы ЕҚЫҰ Саммитінің Астана декларациясында бекітілген қағидаттар негізінде құрылғаны атап өтілді Қасым-Жомарт Тоқаев ұлттық күн тәртібіндегі адам құқығы, демократия және заң үстемдігінің басымдығына ерекше тоқталды. Оның айтуынша, біздің еліміз Әділ Қазақстанды құруға бағытталған ауқымды саяси және институционалдық жаңғырту бағдарламасын жүзеге асыруда. Референдум мен жаңартылған Конституцияның қабылдануы елдің саяси жүйесін өзгертудің маңызды кезеңі болғаны атап өтілді. Жүргізіліп жатқан реформалар заң үстемдігін нығайтуға, мемлекеттік институттардың жауапкершілігін арттыруға және мемлекеттік басқарудың тұрақты моделін құруға бағытталған Өз кезегінде Феридун Синирлиоглу Мемлекет басшысына Аймақтық экологиялық саммитке қатысуға шақырғаны үшін алғыс айтып, Орталық Азияда және одан тыс жерлерде климат пен экологиялық күн тәртібін ілгерілетудегі Қазақстанның көшбасшылығын жоғары бағалады. Сонымен қатар, Бас хатшы Қазақстанның Ұйым қызметіндегі шешуші рөлін еске салды Кездесуге қатысушылар сонымен қатар өңірлік және халықаралық күн тәртібіндегі өзекті мәселелер бойынша пікір алмасты