ШЫҰ Бас хатшысы Қазақстанның ұйымға 25 жылдағы қатысуының қорытындысын шығарды

15 маусымда Шанхай ынтымақтастық ұйымының құрылғанына 25 жыл толады. Қазақстан ұйымның негізін қалаушы алты мемлекеттің бірі болып табылады және оның қызметіне белсенді қатысады Ермекбаевтың айтуынша, Қазақстанның 2023-2024 жылдардағы ШЫҰ-ға төрағалығы ұйымның бірқатар халықаралық оқиғаларға, соның ішінде Израиль-Палестина қақтығысы мен ШЫҰ-ға мүше кейбір мемлекеттерде орын алған лаңкестік әрекеттерге қатысты ортақ ұстанымын әзірлеуге мүмкіндік берді Негізгі оқиғалардың бірі 2024 жылы Астанада өткен ШЫҰ саммиті болды, онда алғаш рет мүше мемлекеттердің, бақылаушы елдердің, серіктестер мен халықаралық ұйымдар басшыларының қатысуымен «ШЫҰ плюс» форматында кездесу өтті — Саммит қорытындысы бойынша Астана декларациясы және 20-ға жуық шешім қабылданды, оның ішінде үш маңызды стратегия: 2024–2029 жылдарға арналған есірткіге қарсы стратегия және оны іске асыру жөніндегі іс-шаралар бағдарламасы, 2030 жылға дейінгі энергетикалық ынтымақтастықты дамыту стратегиясы, ШЫҰ-ның Экономикалық даму стратегиясын іске асыру жөніндегі іс-шаралар жоспары. Астана саммитінде мемлекет басшылары Сыртқы істер министрлері кеңесінің ұйым қызметін жетілдіру жөніндегі ұсынысын мақұлдады. Бүгінде тараптар осы мәселемен айналысуда», - деді Бас хатшы «Шанхай ынтымақтастық ұйымы: 25 жылдағы эволюциясы мен трансформациясы» сарапшылық кеңесінде сөйлеген сөзінде Бұл ретте Ермекбаев ШЫҰ-ны одан әрі реформалау қажеттігін атап өтті «Сонымен қатар біз ШЫҰ жұмысындағы кемшіліктерді көріп отырмыз. Осыған орай, қазір мемлекет басшыларының алға қойып отырған бірінші кезектегі міндеті – ұйым қызметін жан-жақты жаңғырту. Уақыт талаптары мен алдымызда тұрған алдағы міндеттерді ескере отырып, ұйымның жұмысына ғылыми-сарапшылық және университет қауымдастығын белсендірек тарту, пікір алмасу, ұйымды дамыту жолдарына қатысты ұсыныстар әзірлеу үшін қолданыстағы алаңдарды дамыту және жаңадан құруды қалаймыз», - деді ол Бас хатшы бүгінде ШЫҰ-ға жалпы аумағы шамамен 36 миллион шаршы шақырымды құрайтын 10 мүше мемлекет кіретінін, бұл дүние жүзіндегі құрлықтың төрттен бір бөлігін құрайтынын атап өтті Ұйым елдерінің халқы 3,4 миллиард адамнан асады, бұл планета халқының 40%-ға жуығы. ШЫҰ мемлекеттерінің үлесіне әлемдік ЖІӨ-нің шамамен төрттен бірі және халықаралық сауданың 15%-дан астамы тиесілі — 2024 жылдың соңында ШЫҰ-ға мүше мемлекеттер арасындағы тауар айналымы жеті пайызға өсіп, 700 миллиард АҚШ долларына жуықтады. Яғни, ШЫҰ-ның әлеуеті өте зор», - деді Бас хатшы Ұйымның жұмысына мүше мемлекеттерден басқа Моңғолия мен Ауғанстан қатысады, тағы 15 ел диалог бойынша серіктес мәртебесіне ие. Ермекбаевтың айтуынша, ШЫҰ-мен ынтымақтастыққа 20-ға жуық мемлекет те қызығушылық танытқан Еске салайық, бұған дейін Президент Қасым-Жомарт Тоқаев Қазақстан ШЫҰ қызметіне белсенді түрде қатысатынын айтып, ұйымды қауіпсіздік пен даму саласындағы кең күн тәртібі бар беделді еуразиялық бірлестік деп атаған болатын