Астананың екінші әуежайы қайда салынады: әкімдік қауесеттерге жауап берді

Астана әкімдігі елорданың екінші әуежайы салынатын жер анықталып қойған деген ақпаратты жоққа шығарды Бұған дейін БАҚ пен әлеуметтік желілерде жаңа әуе айлағын қаланың солтүстік-батысында – Астана-Көкшетау тас жолының бойында Шортанды ауылы бағытында орналастыру жоспарланып отырғаны туралы ақпарат тараған болатын. Алайда қала әкімдігі бұл ақпараттың шындыққа жанаспайтынын мәлімдеді Әкімдік аталған аумақ елорда шекарасына кірмейтінін, сондықтан Астананың бас жоспарында екінші әуежайды салу орны ретінде көрсетілмейтінін түсіндірді Билік өкілдерінің айтуынша, жаңа әуежайдың қайда орналасатыны туралы түпкілікті шешім әлі қабылданған жоқ. Қазір қаланың Бас жоспарын түзету аясында оны орналастырудың мүмкін болатын бағыттары ғана қарастырылуда "Бүгінге дейін екінші әуежайды орналастыру туралы түпкілікті шешім қабылданған жоқ. Астананың Бас жоспарын түзету аясында әуе айлағын орналастырудың мүмкін болатын перспективалық аймақтары ғана қарастырылуда", - деп хабарлады әкімдік Мәслихат депутаттары Астана қаласының 2035 жылға дейінгі бас жоспарына өзгерістер мен толықтырулар енгізу жобасын мақұлдағаннан кейін құжат үкіметке бекітуге жіберіледі Сондай-ақ әкімдік журналистер мен әлеуметтік желі қолданушыларын тек ресми ақпаратқа сенуге шақырды Бұған дейін үкіметте Астанада екінші әуежай салу мәселесі талқыланған болатын. Көлік министрі Нұрлан Сауранбаев қазіргі уақытта әуе айлағы үшін екі орын қарастырылып жатқанын және Қарағанды ​​тас жолына (оң жағалау) басымдық берілгенін айтты