Астананың екінші әуежайы қайда салынады: қала әкімдігі қауесетті жоққа шығарды

Астана әкімдігі елорданың екінші әуежайы Шортанды ауылы бағытында салынады деген әлеуметтік желіде тараған қауесетті жоққа шығарды "Бұқаралық ақпарат құралдары Астанадағы екінші әуежайдың орналасқан жерін анықтау туралы болжамды ақпарат таратып жатыр. Көрсетілген ақпарат шындыққа сәйкес келмейді. Көрсетілген аумақ – «елордадан солтүстік-батыс бағытта – Шортанды ауылы бағытында, Астана-Көкшетау тас жолының бойында» - елорда шекарасына кірмегендіктен, бұл әуежайдың екінші жоспарында есепке алынбайды", - делінген хабарламада Әкімдік екінші әуежайдың орналасу орны туралы түпкілікті шешім әлі қабылданбағанын баса айтты. Астана қаласының Бас жоспарын түзету шеңберінде әуе айлағын орналастырудың мүмкін болатын перспективалық аймақтары ғана қарастырылуда Елорда мәслихатының депутаттары «Астана қаласының 2035 жылға дейінгі бас жоспарына өзгерістер мен толықтырулар енгізу» жобасын мақұлдағаннан кейін ол үкіметке бекітуге жіберіледі БАҚ өкілдері мен әлеуметтік желі қолданушыларынан тек ресми және расталған ақпаратқа сүйену ұсынылады. Нақты ақпарат алу үшін Астана қаласының Сәулет, қала құрылысы және жер қатынастары басқармасына хабарласуға болады Informburo.kz сайтынан сәйкес тақырыптар бойынша жаңалықтар мен материалдар