Зымыран базалары өмірге келеді

АҚШ пен Израильдің апталап жасаған шабуылдарынан кейін жер асты зымыран базаларына кірулері жабылған Иранның қарқынды қазба жұмыстарының арқасында бұл нысандардың көпшілігін қайта пайдалануға бергені мәлімделді. АҚШ пен Иран арасында уақытша келісім жасалып, оны ұзарту бойынша келіссөздер жалғасып жатқанымен, тараптар арасындағы шиеленіс толық аяқталған жоқ. Сарапшылардың пікірінше, егер қақтығыстар қайта басталса, Иран бар зымыран қорымен шабуылдарын жалғастыра алады. CNN арнасы қараған спутниктік суреттерге қарағанда, Иран бульдозер және жер қазатын жүк көліктері сияқты қарапайым құрылыс техникасын пайдаланып, АҚШ пен Израиль соққан туннель кіреберістерін ашып, бүлінген жолдарды жөндеген. Қақтығыс кезінде Иран қарқынды бомбалау астында туннель кіреберістерін ашуға әрекеттенді. АҚШ пен Израиль жер қазу жұмыстарында қолданылатын құрылыс техникасын жиі нысанаға алды. Осыған қарамастан, Иранның жөндеу жұмыстары атысты тоқтатудан кейінгі жеті аптада жеделдеді. CNN талдауына сәйкес, Иран АҚШ пен Израиль соққы алған 18 жер асты зымыран алаңындағы 69 туннельдің 50-ін қайта ашты. Сондай-ақ, спутниктен түсірілген суреттер зымырандық базаларға кіруге жол бермеу үшін бомбаланған жолдардың негізінен жөнделгенін, ал кейбір аймақтарда жолдардың қайта төселгенін көрсетеді Бұл Трамптың мақсаттарының бірі болды. АҚШ президенті Дональд Трамп соғыстың негізгі мақсаттарының бірі Иранның зымырандық қуатын жою екенін талай рет мәлімдеді. Наурызда жасаған жазбасында Трамп соғыстың негізгі мақсаттарының бірі ретінде «Иранның зымырандық қуатын, ұшыру жүйелерін және оларға қатысты барлық нәрселерді толығымен бейтараптандыруды» атады. Иран болса 20 жылдан астам жер асты зымыран желісін дамытып келеді. Кейбір нысандардың жүздеген метр тас қабаттарының астында орналасқаны айтылады. Сарапшылардың пікірінше, бұл тереңдік АҚШ пен Израильге базаларды тікелей жоюды қиындатады Мың зымыран қалды деген болжам бар. Сарапшылардың бағалауынша, жерасты қоймаларында әлі де мыңға жуық зымыран бар. Гамбург университетінің Бейбітшілік зерттеулері және қауіпсіздік саясаты институтының қызметкері Тимур Қадышев Иранның мұндай қақтығыс түріне жылдар бойы дайындалғанын мәлімдеп: "Олар бұл соғыс түріне 20 жыл бойы дайындалды. Олар өте дайын" деді. деді ол