Филиппинде зілзаладан кейін 10 мыңдай отбасы үйлерін тастап кетті

Филиппин аралдарында қуаты 7,8 балдық зілзала құрбандарының саны 35-ке жетті. Алапат жер сілкінісінен зардап шеккен Минданао аралында іздеу-құтқару операциялары жалғасып жатыр. Осы дүмпуден кейін Филиппинде, Австралияда, Индонезияда, Жапонияда жарияланған цунами қаупі туралы ескерту бірнеше сағаттан кейін доғарылды. Табиғи апаттан Филиппинде 134 адам жараланып, 10 мыңдай отбасы үйлерін тастап кетуге мәжбүр болған. Тағы 12 тұрғын хабар-ошарсыз кеткен Иран мен Израиль атысты тоқтатуға келісті Иран мен Израиль атысты тоқтатуға келісті. Екі күн бойы қос мемлекет бір-бірінің аумағына зымыран жіберіп, сәуірдегі бітімді бұзған еді. Ислам Республикасының соққысына Израиль армиясының Ливан астанасы Бейрутке шабуыл жасауы себепші. Тегеран осы арқылы Израиль шектен шықты деп мәлімдеді. Атыс тоқтардан бұрын АҚШ президенті Дональд Трамп пен Израиль премьер-министрі Биньямин Нетаньяху телефон арқылы сөйлескен Си Цзиньпин мен Ким Чен Ын Пхеньянда саммит өткізді Қытай төрағасы Си Цзиньпин мен Солтүстік Корея лидері Ким Чен Ын Пхеньянда саммит өткізді. Жергілікті мемлекеттік телеарнаның хабарлауынша, тараптар екі ел арасындағы саяси, экономикалық және мәдени салалардағы ынтымақты кеңейтуге уағдаласқан. Си Цзиньпин Пхеньянға 7 жылдан бері алғаш рет барвп отыр. Бұл кездесу Бейжің кейінгі кездері Ресеймен байланысын күшейте түскен стратегиялық серіктесіне ықпалын қалпына келтіруге әрекет етіп жатқан шақта өтіп отыр Ұлыбритания Apple мен Google-ден балаларды қорғау шараларын күшейтуді талап етті Ұлыбритания үкіметі Apple мен Google-дан балаларды қорғау шараларын күшейтуді талап етті. Оған сай, аталған компаниялар үш ай ішінде кәмелетке толмағандарға ашық фото мен видеоны түсіруге, көруге және жіберуге мүмкіндік бермейтін технологиялық шектеулерді іске қосуы тиіс. Бұл туралы Лондонда өткен Technology Week аясында Ұлыбритания премьері Кир Стармер мәлімдеді. Талап орындалмаса, компанияларға айыппұл салынып, тіпті қылмыстық жауапкершілікке тартылмақ. Google балаларды қорғау шараларын күшейтуге ниет танытса, Applе әзірге, ресми түсініктеме берген жоқ