Қытайдың АҚШ-қа экспорты 10 пайыздан астам төмендеді

Қаңтар-сәуір айларында Қытай мен АҚШ арасындағы сауда көлемі бір жылмен салыстырғанда 10,4%-ға азайып, 179,2 млрд долларды құрады Бұл туралы Қытай Халық Республикасының Бас кеден басқармасы хабарлады Жарияланған мәліметтерге қарағанда, Қытайдың АҚШ-қа экспорты есепті кезеңде 10,2%-ға азайып, 133,44 миллиард долларға жеткен. Қытайға американдық өнімдердің импорты 10,9%-ға, 45,76 млрд долларға дейін қысқарды. Нәтижесінде Қытай $87,68 млрд профицитті құрады, бұл 2025 жылдың сәйкес кезеңімен салыстырғанда 9,6%-ға аз Алайда сәуірде қытай-американ тауар айналымы, керісінше, наурызбен салыстырғанда 20 пайызға өсіп, 50,45 миллиард долларға жетті. Қытайдан АҚШ-қа экспорт 24,8%-ға өсіп, 36,76 млрд долларды құрады, АҚШ-тан импорт 8,5%-ға өсіп, 13,69 млрд долларды құрады Қытай АҚШ-тан соя, мақта және жүгері, микрочиптер, жол талғамайтын көліктер, кокстелетін көмір, мыс және мыс кендерін импорттайды. Америка тарапы Қытайдан смартфондар, жеңілдетілген кедендік ресімдеумен құны төмен тауарлар, компьютерлер, литий-ионды аккумуляторлар, балалар ойыншықтары, пластмасса бұйымдары, қауіпсіздік камералары, тұрмыстық техника, киім-кешек, аяқ киім және т.б. сатып алады 2024 жылы Қытай мен АҚШ арасындағы тауар айналымы 3,7 пайызға артып, 2025 жылы 18,7 пайызға төмендеп, 559,74 миллиард долларды құрады