Формула-1 жарыстарын Ыстықкөлде өткізу қауіпсіз екенін сараптама растады

Қырғызстанның тәуелсіз және мемлекеттік экологиялық сарапшылары елімізде өтетін UIM F1H2O (Formula 1 on Water) әлем чемпионатының Ыстықкөлдің акваториясына әсерін бағалады Бұл туралы баспасөз мәслихатында Туризмді дамыту мемлекеттік агенттігінің директоры Эдуард Кубатов мәлім етті, деп хабарлайды ҚазАқпарат «Кабар» агенттігіне сілтеме жасап Оның айтуынша, мұндай жоғары деңгейде өтетін халықаралық спорттық іс-шараларға қоршаған ортаға әсерді бағалау міндетті талап емес. Соған қарамастан, жұртшылық тарапынан туындаған сұрақтар мен алаңдаушылықтарға жауап ретінде қосымша экологиялық зерттеулер жүргізілді "UIM F1H2O сынды жоғары деңгейдегі жарыстар үшін қоршаған ортаға әсерді бағалау міндетті емес. Дегенмен, қоғамның экологиялық мәселелеріне қатысты алаңдаушылығын ескере отырып, біз тәуелсіз ұйымдар мен мемлекеттік мекемелердің қатысуымен экологиялық сараптама жүргіздік. Біз мұны қоршаған ортаны қорғау мәселесіне байланысты жүргіздік", - деді Е.Құбатов Ол жүргізілген зерттеулердің нәтижелері бойынша чемпионат Ыстықкөлдің экожүйесіне айтарлықтай кері әсер етпейтінін атап өтті Айта кетейік, Формула-1 бойынша судан әлем чемпионаты 31 шілде мен 2 тамыз аралығында Ыстықкөл ауданының Баетов ауылында өтеді. Жарысқа әлемнің әр елінен 25 спортшы қатысады деп күтілуде. Жарыстар 100 елде тікелей эфирде көрсетіледі, бұл Қырғызстан мен Ыстықкөлдің туристік әлеуетін халықаралық аудиторияға таныстыруға мүмкіндік береді 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек