Даму үшін бірлік: AMANAT Саяси кеңесі мәлімдеме жасады

Нәтижесінде еліміздің барлық прогрессивті қоғамдық-саяси күштерін Әділ де Прогрессивті Қазақстанды құру жолында күш біріктіріп, жұмыла жұмыс істеуге шақыратын мәлімдеме қабылданды. Жиынға партияның саяси кеңесі мен бюро мүшелері, Орталық аппарат басшылығы, облыстық филиалдардың төрағалары мен жауапты хатшылары қатысты Ерлан Қошанов өз сөзінде кеше ғана Мемлекеттік Туды көтеру рәсімінде Мемлекет басшысы ел дамуының жаңа бағытын айқындап, барлық салауатты, озық қоғамдық-саяси күштерді ұлттық құндылықтар мен мақсаттар төңірегінде топтасуға тікелей шақырғанын атап өтті Осы орайда «АМАНАТ» жауапты саяси партия ретінде мемлекет басшысының үндеуін толық қолдайды және ел дамуы жолындағы Президенттің ауқымды күн тәртібін жүзеге асыру жолында жұмыс істеуге дайын әрбір адаммен күш біріктіруге дайын Жиын барысында Мәжіліс депутаты Снежанна Имашева жаңа Конституцияның күшіне енуінің тарихи маңызына тоқталып, мемлекет дамуының стратегиялық мақсаттары төңірегінде қоғамдық-саяси күштерді топтастыруға шақырды Алматы облыстық филиалының төрағасы Қуат Байғожаев Елбасының бастамасымен жүргізіліп жатқан реформалар өңірлердің қарқынды дамуына ықпал етіп, азаматтардың жүргізіліп жатқан реформаларға сенімін нығайтып отырғанын атап өтті Маңғыстау облыстық филиалының басшысы Нұрбек Қарасаев мемлекеттің ауқымды қоғамдық-саяси жаңаруы аясында қоғамдық келісім мен бірлікті сақтау қажеттігіне тоқталды Мәжіліс депутаты Ерлан Саиров Негізгі заңның күшіне енуі жаңа саяси циклге жол ашатынын айтып, ел тәуелсіздігін нығайту жолындағы күш-жігерді біріктіруге шақырды