ЕО Ресей азаматтарына виза беру тәртібін қатайтпақ

Еурокомиссия Ресей азаматтарына Шенген визасын беруді қатаңдату шараларын ұсынатынын хабарлады. Бұған дейін Шенген аймағына кіретін 11 ел Украинадағы соғысқа қарамастан кейбір еуропалық елдердің ресейліктерге туристік виза беріп жатқанына наразылықтарын білдірген «Біз үшінші елдің дұшпандық әрекеттерінен туындайтын қауіпсіздік мәселелерін одан әрі шешу үшін виза шараларын шектеуді ұсынып отырмыз», - деді Маркус Ламмерт, Еуропалық комиссияның көші-қон жөніндегі өкілі. Бұл туралы Euronews жазды. Оның айтуынша, жаңа шаралар 2027 жылы енгізілуі мүмкін. Ол қандай шектеулер барын нақтыламады, бірақ Ресей азаматтарына виза беруге толық тыйым салынбайтыны атап өтілді Бірнеше күн бұрын Шенгенге кіретін 11 ел Еурокомиссияға бірлескен хат жолдады. Дания, Исландия, Латвия, Литва, Нидерланды, Норвегия, Польша, Финляндия, Чехия, Швеция және Эстония «визалық ережелерге қатысты шектеуші және міндетті шараларды» қолдануға шақырды. Сонымен бірге Франция, Испания және Италия Ресей азаматтарына әлі де туристік виза береді. 2025 жылы 180 мыңға жуық ресейліктер француз визаларын алды, бұл алдыңғы жылмен салыстырғанда айтарлықтай көп. Италия – 160 000, Испания 100 000-ға жуық виза берді «Зымырандар мен ұшқышсыз ұшақтар Украина тұрғындарын және азаматтық инфрақұрылымды жойып жатқанымен, еуропалық курорттар мен демалыс орындарында демалатын ресейлік туристердің көбеюі өте қауіпті құбылыс», - делінген хатта. Ресей азаматтарына көп реттік виза беру жолдарын қатайту, Украинаға қарсы соғысқа қатысқандарды шеттету талабы бар Еурокомиссия Ресей азаматтарына берілген Шенген визаларының саны соғысқа дейінгі кезеңнен бері төрт миллионнан 2025 жылы жарты миллионға дейін азайғанын айтты. Көп мәртелік виза бір реттік визаға ауыстырылды. Бұл туралы Deutsche Welle жазды. ЕО-ның ресми ақпаратына сәйкес, 2025 жылы одаққа кірген елдер Ресей азаматтарына 620 мың виза берген. Бұл 2024 жылмен салыстырғанда 10,2%-ға көп. Ресейліктердің басым бөлігі Франция, Италия және Испанияға виза алуға өтініш берген Ресей Украинаға басып кірген 2022 жылдан бастап Еуроодақ ресейліктерге виза беру тәртібін жойды. Кейбір елдер Ресей азаматтарының елге кіруіне тыйым салды