Қостанай облысындағы Тобыл өзенінде екі адамды ағыс алып кетті

Алдын ала мәлімет бойынша, отбасы өзен жағасында демалып жүрген. Бала судың жанында ойнап жүріп, қатты ағыс аймағына тап болды. Мұны көрген атасы немересіне көмектесуге асығады, бірақ қатты су ағыны екеуін де алып кетті Оқиға орнына дереу Қостанай облысы Төтенше жағдайлар департаментінің қызметкерлері, полиция қызметкерлері, жедел жәрдем бригадасы және жергілікті атқарушы органдардың өкілдері келді Іздестіру-құтқару операциясына 40-қа жуық жеке құрам, 13 техника, екі су кемесі мен ұшқышсыз ұшу аппараты жұмылдырылды Іздестіру жұмыстары басталғалы 32 мың шаршы метрге жуық акватория зерттелді. Іздестіру жұмыстарын үш сүңгуір тобы жүргізіп жатыр Қазір іздеу-құтқару жұмыстары жалғасуда Қостанай облысының Төтенше жағдайлар департаменті азаматтарды су айдындарында қауіпсіздік ережелерін қатаң сақтауға, балаларды қараусыз қалдырмауға және демалу үшін жабдықталмаған және тыйым салынған орындарда суға түспеуге шақырды. Сондай-ақ құтқарушылар қайықта немесе суға жақын жерде құтқару кеудешелерін пайдалану керектігін еске салды Бұған дейін Батыс Қазақстанда үш жасөспірім өзенге батып кеткен болатын. Павлодар облысында тағы бір адам өлімі тіркелді