Азия чемпионатының алғашқы күнінде екі алтын: Рамазан Айнегов пен Ясмина Бузуртанова құрлық чемпионы атанды

Жарыстың бірінші күні Қазақстан құрамасына екі алтын медаль әкелді Астана қаласының өкілі Рамазан Айнегов жасөспірімдер (U17) санатында суперспринттік қашықтықты бағындырып, Азия чемпионы атағын жеңіп алды. Қазақстандық спортшы 25:49 нәтижемен мәреге жетті. Алтын үшін белдесуде ол жапон өкілі Канту Инеден (25:50) бір секунд қана озып кетті. Қытай спортшысы Динхан Чжоу 26:11 есебімен қола жүлдені жеңіп алды Жерлесінің жетістігін 15 жасқа дейінгі жасөспірімдер арасында Азия чемпионатының жеңімпазы атанған Ақмола облысының өкілі Ясмина Бузуртанова қолдады. Қазақстандық спортшы 30:56 нәтиже көрсетіп, күміс жүлдегер қытайлық Зихан Янгтан үш секунд алға озды. Үшінші орынды 31:01 нәтижемен аяқтаған Тайланд өкілі Питчанарт Срипиром иеленді Жарыстың екінші күні, 14 маусымда Қазақстан құрамасы аралас эстафетада күміс медальді жеңіп алды. Команда құрамында Алуа Нұрмұхамет (Астана), Гор Депершмидт (Ақмола облысы), Калерия Шнайдер (Шымкент) және Альхам Мұрат (Түркістан облысы) болды Қазақстанның әр өңірінен келген спортшыларды біріктірген команда құрамы бұл нәтижеге ерекше мән береді. Астана, Ақмола және Түркістан облыстарының, сондай-ақ Шымкент қаласының өкілдері ұйымшылдық, өзара қолдау және ортақ мақсатқа ұмтылыс таныта отырып, біртұтас ұжым болып өнер көрсетті Дәл осы тәсіл отандық триатлонды дамытудағы маңызды қадам болып табылады және Қазақстан Триатлон федерациясы ұзақ жылдар бойы дәйекті түрде ұмтылып келе жатқан ұлттық құрама үлгісін көрсетеді. Аралас эстафетадағы күміс жүлде жоғары спорттық нәтиже ғана емес, сонымен қатар мықты ұлттық құрама қай аймаққа қарамастан, спортшылардың бірлігіне құрылғанының айқын дәлелі болды Чемпионат қорытындысында Қазақстан құрамасы екі алтын және бір күміс медаль жеңіп алып, жас спортшылардың дайындығы жоғары екенін және құрлықтық аренадағы орнын нығайта түскенін дәлелдеді Қазақстанның Триатлон федерациясы Рамазан Айнеговты, Ясмина Бузуртанованы, Алуа Нұрмұхаметті, Гор Депершмидтті, Калерия Шнайдерді және Альхам Мұратты, сондай-ақ олардың жаттықтырушыларын Азия чемпионатындағы жоғары нәтижелері және Қазақстан Республикасының халықаралық аренада лайықты танытқаны үшін құттықтайды