«Қазцинк» кәсіпорнындағы өрт салдарынан екі адам қаза тапты

"Бүгін таңертең Өскемен металлургиялық учаскесінің аумағында төтенше жағдай орын алды. Алдын ала мәлімет бойынша, тазалау жұмыстары кезінде шаң тазалау жүйесінде жарылыс болып, оның салдарынан өрт шығып, құрылыстардың жартылай опырылуына әкеп соқты. Оқиға салдарынан екі адам қаза тауып, бес адам зардап шекті. Зардап шеккендерге барлық қажетті медициналық көмек көрсетілген", - делінген хабарламада Сондай-ақ оқиға орнында төтенше жағдайлар қызметінің жұмыс істеп жатқаны және оның салдарын жою жұмыстары жүріп жатқаны хабарланды. Тергеу үшін арнайы комиссия құрылды. Оқиғаның себептері мен жағдайлары тексеру нәтижелері бойынша анықталады "Компания қаза болғандардың туыстары мен жақындарына көңіл айтады. Қаза болғандардың отбасылары мен зардап шеккендерге барлық қажетті қолдау, соның ішінде материалдық және психологиялық көмек көрсетіледі", - делінген «Қазцинк» хабарламасында