«Әділет» партиясы жалған аккаунттар туралы ескерту жасады

«Әділет» партиясы әлеуметтік желілерде партияның атауын заңсыз пайдаланып жүрген жалған аккаунттар мен парақшалар анықталғанын мәлімдеді. Партияның хабарлауынша, аталған ресурстар өздерін ұйымның ресми өкілдігі ретінде таныстырып, партиялық билеттер беру, мүшелікке тіркеу және партия қызметіне қатысты жалған ақпарат таратып жатыр «Әділет» партиясы бұл аккаунттардың ұйымға ешқандай қатысы жоқ екенін атап өтті. Сондай-ақ азаматтарды тек ресми ақпарат көздеріне сенуге шақырды. Партия өкілдерінің айтуынша, атау мен рәміздерді заңсыз пайдалану, жалған ақпарат тарату және азаматтарды жаңылыстыру Қазақстан Республикасының заңнамасына сәйкес жауапкершілікке әкеледі Осы фактілер бойынша материалдар тиісті шаралар қабылдау үшін құқық қорғау органдарына жолданған Партия азаматтарға жеке деректерін бейтаныс адамдарға бермеуге және тек ресми байланыс арналарына жүгінуге кеңес берді «Әділет» партиясының ресми ақпарат көздері:– @adilet_partiyasy;– t.me/adilet_partiyasy;– adilet-partiyasy.kz