Өзбекстан мен Тәжікстан шекарасында ондаған жүк көлігі тұрып қалды

Бір топ жүк көлігі жүргізушілері Өзбекстан мен Тәжікстан шекарасынан екі аптадан астам уақыт өте алмай жүргендерін айтты Әңгіме Өзбекстан арқылы Тәжікстанға транзитпен үшінші елдерден, соның ішінде Қазақстан мен Ираннан азық-түлік өнімдерін тасымалдайтын жүк көліктері туралы болып отыр. Қазіргі уақытта олар Тәжікстанның Турсунзаде қаласы мен Өзбекстанның Сурхандария облысының Сарыосий ауданы арасында орналасқан «Дусти» кеден бекетінде жинақталып, шекарадан өтуге рұқсат күтіп тұр Оқиға орнынан видео жариялаған жүргізушілердің Азаттықтың (Озоди) тәжік редакциясына хабарлауынша, оқиға орнында ондаған жүк көлігінен тұратын кезек пайда болған. Айтуларынша, олардың кейбірі 14 наурыздан бері сонда.Негізгі шағымдар тәжік кеденшілерінің жұмысына қатысты Жарияланған кезде Тәжікстанның кеден органдарынан ресми түсініктеме алу мүмкін болмады Кейбір жүргізушілер кешігуді нүктенің шектеулі сыйымдылығымен және жылдам өтудің қымбаттығымен байланыстырады. Айтуларынша, жүргізушілерден шекарадан тезірек өту үшін шамамен 200 доллар талап етіледі Бұған дейін Өзбекстан кәсіпкерлері де Тәжікстан тарапынан жүктерді өңдеудің кешіктіріліп жатқанына шағымданып, бұл өнімдерді импорттауға кедергі келтіреді деп мәлімдеген болатын Жауап ретінде Тәжікстанның кеден органдарының өкілдері тауарларды әкелуге ешқандай кедергілер жоқ екенін, алайда бірқатар жағдайларда тасымалдаушылар дұрыс ресімделмеген немесе толық ұсынбаған құжаттарды рәсімдеу кешіктіріліп жатқанын мәлімдеді Azattyk Asia © 2026 Азаттық радиосы, Inc. | Барлық құқықтар қорғалған