Мәжіліс депутаттары несие, су ресурстары және БАӘ-мен келісім туралы заң жобаларын қарайды

Отырыстың күн тәртібінде халықаралық шарттарды ратификациялау және олар бойынша қорытындылар дайындау мәселелері бойынша бірқатар заң жобалары бар Атап айтқанда, депутаттар «Қазақстан мен Азия инфрақұрылымдық инвестициялар банкі арасындағы Қарыз туралы келісімді (инклюзивті және орнықты экономикалық өсу бағдарламасы) ратификациялау туралы» заң жобасына қорытынды әзірлеу туралы мәселені қарайды Сондай-ақ «Қазақстан мен Өзбекстан үкіметтері арасындағы трансшекаралық су объектілерін бірлесіп басқару және ұтымды пайдалану туралы келісімді ратификациялау туралы» заң жобасы да қарауға шығарылды Сонымен қатар, Мәжілісте Қазақстан мен Халықаралық Қайта Құру және Даму Банкі арасындағы «Инклюзивті және тұрақты экономикалық өсу» даму саясатын қаржыландыруға арналған екінші қарыз туралы келісімді ратификациялау туралы заң жобасы талқыланады. Аталған мәселе бойынша Қазақстан Республикасының Қаржы министрі Мәди Тәкиев баяндама жасайды Отырыс барысында депутаттар «Бір жағынан Еуразиялық экономикалық одақ пен оған мүше мемлекеттер, екінші жағынан Біріккен Араб Әмірліктері арасындағы Экономикалық әріптестік туралы келісімді ратификациялау туралы» заң жобасын да қарайды. Спикер ретінде Сауда және интеграция министрі Арман Шаққалиев сөз сөйлейді Сонымен қатар, күн тәртібінде 2010 жылғы 10 желтоқсандағы Ұжымдық қауіпсіздік туралы шарт ұйымының Ұжымдық қауіпсіздік жүйесі күштері мен құралдарының мәртебесі туралы келісімге, сондай-ақ ҰҚШҰ-ға мүше мемлекеттердің әскери өнімдерін, олардың әскери және басқа да мүліктерін тасымалдау саласындағы ынтымақтастығы туралы келісімге өзгерістер енгізу туралы хаттамаларды ратификациялау туралы заң жобалары бар. 2015